Үкімет баспасөз қызметінен хабарлағандай, диссертациялық жұмысы дау тудырған вице-министр жұмысынан кетті.
«ҚР Үкіметінің Қаулысымен Фатима Надырқызы Жақыпова берген өтінішіне сәйкес Қазақстан Республикасының білім және ғылым вице-министрі қызметінен босатылды» делінген ресми хабарламада.
Еске сала кетейік, вице-министр Фатима Жақыпованың диссертациялық жұмысы көшіріп алынған деп қоғамда дау тудырған болатын.
