Елбасы – партия Төрағасы Нұрсұлтан Назарбаевтың партия жұмысын жандандыруға арналған «Сенім. Диалог. Болашаққа нық қадам – «Nur Otan» партиясының 7 серпіні» атты бағдарламасында қоғамның партияға сенімін арттыру, ақпараттық-идеологиялық жұмыстарды күшейту және әлеуметтік желілердің мүмкіншілігін барынша пайдаланып, ашық форматта жұмыстарды жандандыру мәселесі қамтылған.
Елбасының тапсырмаларын өңірде жүйелі жүзеге асыру мақсатында «Nur Otan» партиясы Қызылорда облыстық филиалы төрағасының бірінші орынбасары Ләйлә Төрешова жас әлеуметтік желі белсенділерімен кездесті. Кездесу барысында филиал төрағасының бірінші орынбасары қазіргі уақытта желі әдебі, фейк ақпаратты анықтау тәсілдері, төтенше жағдайда және басқа да оқиғалар кезінде ақпараттарды таратудағы медиасауаттылық тұрғысында мәселермен көп кездесетінін айтты. Осы тұста жас әлеуметтік желі белсенділерінің сауатты болуын алға тартып, халықты алаңдататын мәселелерді ашық көтеруге шақырды. Сондай-ақ олардың ұсыныс-пікірлерін тыңдады.
Өз сөзінде белгілі журналист, әлеуметтік желі белсендісі Гүлбану Мақажан ақпарат таратуда әлі күнге дейін кемшіліктер барын айтып, әріптестерін ақпаратты барынша халыққа түсінікті етіп жазуға шақырды. Кездесу аясында жастардың ұсыныстарының барлығы назарға алынды.
Әбілмансұр ЖАСАН
