Ақмола облысында із-түзсіз жоғалған колледж студентіне іздеу жарияланды, – деп хабарлайды облыстық ПД баспасөз қызметі.
Департаменттің мәліметінше, 13 қарашада Көкшетау қалалық ПБ кезекшілік бөліміне 16 жастағы Расула Жанашеваның жоғалғаны туралы ақпарат түскен. Студент соңғы рет анасымен 12 қараша сағат 16:00-де сөйлескен. Одан кейін оның телефоны өшірілген. Құрбы қызының айтуынша, Расула өз еркімен елордаға кетуі мүмкін.
«Қазіргі кезде жоғалған қыздың туыстары мен таныстары, сондай-ақ, жоғалған күні көрген адамдар анықталды. Арнайы топ Ақмола облысы мен Нұр-Сұлтан қаласында іздестіру шарасын қолға алуда»,– дейді ведомстводан. Жанашева Расула Сергеевна: 160-165 бойы см. дене бітімі орташа, шашы қара түсті, қысқа қиылған.
Ерекше белгілері: Тісінде брекет, он қолының алақанында жүректің суреті бар. Үстіне ақ куртка, қара күртеше, қара джинсы, ақшыл түсті етік киген.
