Теміртаудағы кәсіпкердің өліміне қатысты жаңа деректер шықты, – деп хабарлайды «Астана» және Etemirtau.
Дереккөз мәліметінше, бұл қылмыс 20 қарашада Бауыржан Момышұлы даңғылындағы № 66/1 үйде болған.
Көршілердің айтуынша, бизнесмен өлтірілген күні марқұмның әйелі банкоматқа тағы бір рет баруға мәжбүр болған. Әйтпесе мектепте оқып жүрген қыздарымен есеп айырысамыз деп қорқытқан.
Кісі өлімінен бір аптадан кейін төрт күдікті ұсталды. Олар Жезқазған, Сәтпаев және Нұр-Сұлтан тұрғындары болып шықты. Тінту кезінде олардан тапаншалар, газ бүріккіштері мен пышақтар табылды. Ұсталғандар 25-тен 39 жасқа дейінгілер. Еш жерде жұмыс істемеді. Бұрын сотталмаған.
