Тараз қаласындағы Ш.Уәлиханов атындағы облыстық ғылыми әмбебап кітапханасында «Nur Otan» партиясы Тараз қалалық мәслихатындағы фракция мүшелерінің кәсіподақ және кәсіподақ активінің мүшелерімен кездесті.
Тараз қалалық мәслихатының депутаты, «Жамбыл-Тараз» газетінің бас редакторы Эльмира Мырза Ғали жетекшілік еткен басқосуда тараптар азаматтардың еңбек құқықтарын қорғау мәселесін сөз етті. Қазақстандық салалық мәдениет, спорт, туризм және ақпарат қызметкерлерінің кәсіптік одағы қоғамдық бірлестігінің облыстық филиалы төрағасы Дүйсеналы Бықыбаев сала мамандарын ынталандыру, олардың бос уақыттарын тиімді ұйымдастыру мәселесін көтерді. Жиында «Жамбыл облысы білім және ғылым қызметкерлерінің жергілікті кәсіптік одағы» қоғамдық бірлестігінің құқықтық және кадр мәселелер жөніндегі бас маманы Әлия Игенбайқызы сөз сөйлеп, ұстаздардың әлеуметтік әлеуетін арттыру бағытында жүргізіліп жатқан жұмыстарды тілге тиек етті.Әбілмансұр ЖАСАН