Коронавирус салдарынан қуыршақ-қалыңдығына үйлене алмай келген қазақстандық ақыры аста-төк үйлену тойын жасады. Ол қуыршақты жары етуді бұрыннан армандап келген екен.
Қазақстандық бодибилдер Юрий Толочко осы күнге дейін коронавирус салдарынан үйлену тойын кейінге шегеріп келген. Оның қуыршақпен қарым-қатынасы жайында 2019 жылы жұртқа жария болған. Ол Марго есімді қуыршақтың жеке Instagram парақшасын жүргізіп, онда тойға дайындық сәтімен бөлісіп отырған.
Бүгінде бодибилдер уәдесінде тұрып, аста-төк үйлену тойын жасаған. Юрий өз Instagram парақшасында тойдың суреттері мен видеосын жария еткен.
Суреттерден жігіттің жақындары мен достары тойға келіп, “жас жұбайлардың” қуанышына ортақтасқан. Тіпті желі қолданушылары той иелеріне құттықтауларын жаудырды.
