Егер, сіздің еліңізде интернет желісінің таралу аймағы тар, шектеулі болса, сіз ұялы телефонды пайдаланасыз. Ал мұндай байланысудың құны әр елде әртүрлі болатыны белгілі, – деп жазады weforum.org.
Қолданушылардың тек 2% -дан азы желіде тіркелген Үндістанда 1 гигабайт құны 26 цент. Зерттеуде 230 мемлекеттің 6000-нан астам мобильді тарифтік жоспарының ең төменгі орташа бағасы қарастырылған.
Ең арзан бестікте – Қырғызстан, Қазақстан, Украина және Руанда елдері тұр. Ол мемлекеттердегі орташа баға 60 центтен төмен. Олар сондай-ақ тіркелген желінің төмен тарифтеріне ие.
Ал әлемдегі мобильді интернеті ең қымбат мемлекет – Зимбабве, ондағы орташа құн гигабайтына 75,20 доллар. Елдегі ең қымбат провайдер 138,46 долларды құрайды. Гиперинфляциядан кейін биыл Зимбабведегі инфляция көрсеткіші 60% -дан төмен құлдыраған.
Дамыған кабельдік желісі бар елдер мобильді деректерді сатып алуда ең қымбат мемлекеттер қатарына кіреді. Америка Құрама Штаттарында бір гигабайт деректердің орташа құны 12 доллардан асады, бұл рейтингтегі 182 орын.
Ұлыбритания біршама жақсы көрсеткішті көрсетті, орташа баға 6,66 доллар және 136 орынға ие.
Еуропадағы ең қымбат тарифтік жоспар Грекияда, орташа бағасы 32,71 долларды құрайды.
Азия елдері әлемдегі мобильді байланысы ең арзан 20 мемлекеттің жартысына кіреді.
«Мобильді деректерді сатып алуға болатын ең арзан елдердің көпшілігі екі санатқа жатады», - дейді зерттеуді жүргізген Cable.co.uk сарапшысы Дэн Ховард. «Кейбір елдер мобильді, кеңжолақты инфрақұрылымға ие, сондықтан провайдерлер үлкен көлемдегі деректерді ұсына алады, бұл гигабайттың бағасын төмендетеді. Жетілмеген кең жолақты желілері бар басқа мемлекеттер мобильді деректерге қатты тәуелді».
Зерттеулер көрсеткендей, үлкен инфрақұрылым немесе интернетке телефон арқылы қосылуға мәжбүрлік көбінесе бағаның төмендеуіне әкеледі.