Маңғыстау облысында жанармай бекетінің маңында көлік жарылып кетті. "Лада" порталының мәліметінше, оқиға 11 желтоқсанда сағат 22:50 шамасында болған. Мұнайлы ауданындағы жанармай бекетінің маңында тұрған жеңіл автокөліктен өрт шыққан. Оған көлік ішіндегі газ құрылғысының жарылуы себеп болған. [embed]https://youtu.be/Gen6ZMi4DO4[/embed] Аймақтың ТЖД баспасөз қызметінің мәліметінше, көлік өрт сөндірушілер келгенше жарылып кеткен. "Бұл оқиғадан ешкім зардап шеккен жоқ. Өрт 23:11-де сөндірілді", - деді ведомстводағылар.