Елордада Қазақстан Республикасының Тәуелсіздік күніне орай Мемлекеттік туды көтеру рәсімі өтті. Мемлекеттік туды көтеру рәсімінің видеосы Президент Телерадиокешенінің Instagram-парақшасында жарияланды. Салтанатты рәсімде сапқа тізілген әскери қызметшілер Әнұранды орындады. Айта кетейік, қазақстандықтар бүгін ұлтымыздың ұлық мерекесі – Тәуелсіздік күнін атап өтуде. Бір облыста автокөліктердің шеруі ұйымдастырылса, басқа өңірлерде отандастарымыз Туды балконға іліп, жаңа челлендж бастады.