«Ақ жол» демократиялық партиясы Батыс Қазақстан облыстық сайлауалды штабы Казталовка ауданының сайлаушыларымен кездесті.
Кездесуде партияның сайлауалды бағдарламасы таныстырылып, негізгі бағыттары түсіндірілді.
Сайлаушылармен болған кездесуде партияның түбегейлі өзгерістерге бағытталған айқын мақсаттары назарға алынды.
Жиынға Парламент Мәжілісінің депутаттығына кандидат Алмаз Бадашевтің сенімді өкілдері мен Батыс Қазақстан облыстық мәслихатының кандидаттары, түрлі әлеуметтік топтар мен әр саланың мамандары, аға буын өкілдері және жастар қатысты.
Үгіт-насихат тобының мүшелері елдегі медицина мен білім саласының сапасын, тұрғын үй мәселесін шешу, жастарға жаңа мүмкіндіктер беру және қариялар үшін лайықты өмірді қамтамасыз етудің негізгі міндеттерін атап өтті. Ашық диалогта сайлаушылардың сұрақтарына жауап берілді.
«Ақ жол» демократиялық партиясының сайлауалды бағдарламасы жан-жақты және ел дамуы мен өмірдің барлық маңызды аспектілерін қамтыған. «Ақ жолдың» бағдарлама міндеттерінің ерекшелігі біздің назарымызды аударды, – деді сайлаушылар.
