Алты облыста жол жабылды
Алты облыста жол жабылды
Ауа райының бұзылуына байланысты ұзындығы 4186 шақырым болатын 32 жол учаскесінде көлік қозғалысына шектеу қойылды, – деп хабарлайды «ҚазАвтоЖол» ҰК» АҚ баспасөз қызметі. Айта кетейік, бұл – еліміздегі республикалық маңызы бар жолдардың 16,8 пайызы. «Жалпы, алты облыста автожолдар жабылған. Оның ішінде ең көбі Ақмола және Қарағанды облыстарына тиесілі. Көлік қозғалысына шектеу қойылған ең ұзын жол – «Екатеринбург - Алматы» тасжолы» делінген хабарламада. Еліміздегі автожолдарда 727 арнайы техника жұмыс істеп жатыр. Барлық сұрақтар бойынша 1403 нөміріндегі байланыс орталығына хабарласуға болады. «ҚазАвтоЖол» ҰК» АҚ жүргізушілерге жол ережесін сақтау, рұқсат етілген жылдамдықты асырмау, қауіпсіз қашықтықты сақтау қажеттігінескертеді. Сонымен қатар, сапарға тек қысқы дөңгелектермен шығуға кеңес береді.