Бұрынғы футболшы, «КраСава» YouTube арнасының авторы және белгілі блогер Евгений Савин қазақстандық клуб қарсыласын талқандап тастағанын атап өтті, деп жазады vesti.kz.
«Маған қала мен стадион қатты ұнады. Жасанды газон екені өкінішті әрине, бірақ, климатқа байланысты басқаша болмайтын да шығар. Бүгін «Астана» екінші құрам болғанымен «Манчестер Юнайтедті» талқандап тастағанын көрдім. Ол жерде көңіл-күй мен стадионның толы болғаны қуантты. Ненад Эричті ерекше атап өту керек. Екінші таймдағы екі сейві – сұмдық болды», – деп келтіреді Савиннің сөзін УЕФА.