ҚР Тұңғыш Президенті күніне орай елорда мектептерінде Елбасы Нұрсұлтан Назарбаев туралы ашық сабақ өтіп жатыр.
«Қазіргі Қазақстан. Елбасы көшбасшылығы» тақырыбында балаларға Елбасының өмірбаяны, қызметі, ел басқарудағы маңызды сәттері баяндалды.
Сонымен бірге, Н. Назарбаев туралы бейнеролик көрсетіліп, ойын түрінде викториналық сұрақтар қойылды.
Еске сала кетейік, 2011 жылдың 10 желтоқсанында ҚР Парламенті Сенаты депутаттарының бастамасымен «Қазақстан Республикасындағы мерекелер туралы» ҚР Заңына толықтыру енгізу туралы» ҚР Заңы қабылданған болатын. Заңда 1 желтоқсанда атап өтілетін Қазақстан Республикасы Тұңғыш Президенті күнін белгіленген.
Биыл 1 желтоқсан жексенбіге тура келгендіктен мереке 2 желтоқсанға ауыстырылып, екі күн қатарынан демалыс жарияланады.
