Жарыс Бетпақ Дала шөлі арқылы өтеді. «Нұр-Сұлтан – Түркістан» ұлымарафонының қатысушылары осынау қиын жолды өтуге дайын, деп хабарлайды «Қазақстан құрылысшылар одағының» баспасөз қызметі.
28 қарашада ресми түрде Қазақстан Республикасының Тәуелсіздік күніне арналған «Нұр-Сұлтан – Түркістан» ұлымарафоны басталды. Нұр-Сұлтанның мемлекеттік рәміздері алаңында ұйымдастырушылар жарысқа қатысушылармен бірге ұлымарафонның ашылу салтанатын өткізді, оған белгілі спортшылар, депутаттар, Nur Оtan партиясының өкілдері, қоғам қайраткерлері, елордалық кәсіпкерлер мен құрылысшылар қатысуда.
7 күн ішінде марафон жүгірушілері эстафетаны әр 10 шақырымнан өтіп, 1400 шақырым жолды өтуі керек. Сонымен қатар, марафон аясында халықпен кездесулер өткізілетін Ақмола, Қарағанды және Қызылорда облыстарының елді мекендерінде аялдамалар жоспарланған.
Ұлымарафонға қатысу үшін ең мықты 10 адам таңдалды, олардың ішінде танымал спортшылар, ультрамарафоншылар, марафон жүгірушілері, әуесқой жүгірушілер бар. Ұйымдастырушылардың айтуынша, қатысушылар арасында қатаң іріктеу жүргізілді. Жүгірушілер жолды тексеріп, қарап шықты. Олар ұзақ уақыт жаттығумен айналысады, кейбіреулері бүкіл өмірін спортпен өткізеді, басқа марафондарға белсенді қатысады. Жол қиын, бірақ кез-келген климаттық жағдайға дайын.
Ұлымарафон жүгірушілері Қарағанды облысы аумағындағы Бетпақ-Дала шөлі арқылы жүгіріп өтеді. Ұйымдастырушылар мен қатысушылар үшін маршруттың бұл бөлімі аса қауіпті мекен саналады. Жылдың осы уақытында шөл далада қарлы боран өтеді. Сондықтан марафонға жүгірушілерді тәжірибелі құтқарушылар тобы, сонымен қатар медициналық қызметкерлер бірге еріп жүреді.
Сонымен қатар, ұлымарафонның жетекшісі, «Қазақстан құрылысшылар одағы» РОҚ төрағасы, бесінші шақырылымдағы ҚР Парламенті Мәжілісінің депутаты Талғат Ерғалиев қалалар, аудандар мен ауылдардың әкімдерімен, сондай-ақ тұрғындарымен кездесулер өткізеді.
Марафонның басты міндеті – жас ұрпақты отансүйгіштікке және өз Отанын құрметтеу рухында тәрбиелеу, сонымен бірге салауатты, белсенді өмір салтының негіздерін қалыптастыру.
Ұлымарафонның ұйымдастырушылары – «Астана желаяғы» марафон клубы қоғамдық бірлестігі, РЗТҚ «Қазақстан құрылысшылар одағы», Nur Otan партиясы, Нұр-Сұлтан әкімдігі, Қазақстан Республикасы Ішкі істер министрлігі, Мәдениет және спорт министрлігі мен Нұр-Сұлтан қаласының полиция департаменті.
Ал, «Нұр-Сұлтан –Түркістан» ұлымарафонының бас демеушісі – «Stroiklass» құрылыс компаниясы.
