Ертең Түркістан облысының қоғамдық дамыту орталығында Тұңғыш Президенті күніне орай, Түркістан қаласы әкімдігі және «A+A Idea Fabric» продюсерлік орталығы DIALOG. SENIM. BOLASHAQQA NYQ QADAM атты жастар форумы өтеді.
Бұл жастар мен студенттердің жыл сайын бас қосып, қала жастарының белсенділігін арттыру және шаһардың өсіп-өркендеуін талқылайтын форумына айналады. Ол жастардың – бизнес, өнер және технология саласында өздерін толғандыратын мәселелер бойынша пікір алмасатын алаңы. Оған қоса, Түркістан қаласының әкімі Рашид Аюпов қаланың дамып, көркеюіне жастардың қосар үлесін арттыру және олардың тың идеяларын іске асыру, қолдау көрсету, белсенді орта тәрбиелеу мәселелері бойынша сөз қозғайды.
Жылсайын өтетін форум DIALOG. SENIM. BOLASHAQQA NYQ QADAM – озық ойлы өскелең ұрпақтың пікіріне құлақ асатын, оның жүзеге асуын бірігіп ақылдасатын ашық алаңға айналды.
Басты мақсат – сырт қалалардан және жергілікті жастар ұйымдары, қауымдастықтар, жеке кәсіпкерлердің басын қосып, олармен тәжірибе бөлісіп, жастардың тың идеяларына ұйытқы, белсенді істеріне бас болу.
Биылғы форумда көтеретін сұрақтар: Медиакеңістікті пайдалана отырып бизнесті қалай жүргізуге болады? Сүйікті ісің арқылы пайда таба аласыз ба? Бизнесті қалай бастаймын? Франшиза дегеніміз не? Бизнеске салатын қаржыны қалай табуға болады? Краудфандинг арқылы 15 000 доллар жинау мүмкін бе? Тағы басқа толғанған түйінді мәселе осы жерде шешімін табады.
Өздерінің жетістікке жету жолындағы тәжірбиесімен бес кәсіпкер бөліседі. Олардың арасында белгілі блогерлер командасы TJokers – Жансерик Кадырбаев @kadyrbayev, StudyON лингвистикалық мектебінің негізін қалаушы – Шахноза Нышанқұлова бар. Ол әлемдік супер-жұлдыз Lady Gagaмен бірге жұмыс істегенін, Канададағы стартапы жайында және Шымкент қаласында іске асырып жатқан жобаларымен таныстырады. Мұнан өзге, жас режиссер және жазушы, комикс салушы Айдие Айдарбеков қатысады. Оның жасаған жобасы тіпті Amazon медиамагнаттары мен продюсерлерінің қызығушылығын тудырған, тіпті ол голливудтық супер-жұлдыздар Джонни Депп және Джеймс Франкомен бірге жұмыс істеген. Краудфандинг бойынша жобасына 15 000 долларға жуық қаржы жинаған Айдиемен кездесуге болады.
Онда жас кәсіпкерлер Қазақстанда қалай бизнес ашуға болатынын яғни, бизнес жоспарды қалай құрамыз, инвесторларды қайдан іздейміз, тәуекелге бару және алған мақсатыңнан қайтпау жөнінде сөз қозғалады.
