Алматы облысындағы бейітте қайтыс болған иесінің қабірін 2 ай бойы күзеткен итке ауыл жұрты тәнті болған. Ит туралы ақпаратты алдымен қала тұрғыны Александр Вогау таратқан. Ол итті видеоға түсіріп, әлеуметтік желіге жүктеген.
Александр Вогау қабірді күзетіп отырған итті 18 желтоқсанда байқаған. Оның айтуынша, досын жерлеу үшін зиратта 3 күн болған. Итті көргесін оған тамақ беріп, қарайласып тұрған. Өзінде 3 ит болғандықтан, үйіне алып кете алмаған.
Ал бейітті күзетуші итті 1,5 ай бұрын көргенін айтады. Бастапқыда мән бергенімен, тамақ беруді естен шығармаған. Өз кезегінде «Белый Бим» еріктілері Шамалғандағы «Хатико» туралы хабардар екен. Олар иттің денсаулығын тексеріп, жаңа қожайын табу үшін іске кірісіп кеткен. Еріктілердің айтуынша, ит – ұрғашы, 2 жаста.
Шамалған ауылының тұрғындары болса, иттің 2 ай бойы иесінің қабірін күзеткенін растаған.
А.ЖОЛДАС
