Алматының бас санитар дәрігері Жандарбек Бекшин Жаңа жылда үйге қанша адамды қонаққа шақыруға болатынын айтты. Оның айтуынша, адам саны 10-нан асса, ол адамдардың жаппай жиналғанын білдіреді.
"Жаңа жыл отбасылық мереке болғандықтан, үйде бір отбасы болып тұратындардың бәрі жинала алады. Егер отбасында 15 адам болса, олар онсыз-ақ бір үйде болады. Сондықтан егер бір отбасы бір үйде тұрса, онда олар бәрі бірге отырып, Жаңа жылды қарсы алып, тойлай алады", - деді ол.Бұған дейін Алматы қаласының бас мемлекеттік санитарлық дәрігері Жандарбек Бекшиннің «Алматы қаласында коронавирус инфекцияның алдын алу жөніндегі шаралар туралы» жаңа қаулысы шыққанын жазған болатынбыз.