Зейнетке ерте шығу – арман
Зейнетке ерте шығу – арман
ҚХП атынан Парламент Мәжілісінің депутаттығына кандидат Ғабит Жаукебаев Жезқазған қаласының (Қарағанды облысы) сайлаушыларымен кездесу өткізді. Ол ҚХП-ның сайлауалды тұғырнамасын таныстырып, әлеуметтік мемлекет құру жөніндегі он бастаманы түсіндірді.
Сондай-ақ кездесуде қаладағы мәселелер талқыланды. Жергілікті қалалық мәслихатқа кандидат Шаркан Ибраев айтылған дүниелерді мұқият тыңдады. Жезқазған – моноқала. Демек, шикізаттық экономикаға бағдарланған шаһар. ҚХП өз бағдарламасында шикізаттық экономикадан алыстап, ғылыми-техникалық қызметті, жоғары технологиялар мен цифрлық сервистерді дамытуды ұсынып отыр. Ол үшін бірінші кезекте сапалы және қолжетімді білім қажет. ҚХП осы тұрғыдан әрекет етпек.
Қала тұрғындары үшін медицина деңгейін арттыру, инфрақұрылымды дамыту, тұрғын үй мәселесі маңызды. Партияның зейнет жасын төмендету туралы бастамасы электораттың ерекше назарын аударды. «Қазақмыс» корпорациясындағы жұмыс өте күрделі және денсаулыққа зиян. Сондықтан зейнеткерлікке ерте шығу – кәсіпорын қызметкерлерінің арманы.
Кездесуге келген сайлаушылар ҚХП-ның мақсаттары мен міндеттерін жоғары бағалады. Енді олар әлеуметтік мемлекетте өмір сүру үшін дауыс беруге ниетті.