2020 жылғы 26 желтоқсаннан бастап 2021 жылдың 5 қаңтарына дейін жолаушыларды тасымалдау үшін пойыздарға қосымша 704 вагон қосылды. Осылайша, пойыздар қосымша 30 мың жолаушыға қызмет көрсете алады.
Вагондар Нұр-Сұлтан қаласынан Алматы, Маңғыстау, Атырау, Сарыағаш, Арқалық, Семей, Петропавл және Павлодарға қатынайтын пойыз бен Алматыдан Ақтөбе, Атырау, Маңғыстау, Сарыағаш, Өскемен, Жезқазған және Орал қалаларына шығатын пойызға жалғанады. Сонымен қатар Павлодар-Пресногорьковская, Қызылорда-Семей және Ақтөбе-Атырау пойызы қосымша жолаушылар ала алады.
Қазір Қазақстанда 156 жұп жолаушылар пойызының 117-сі қатынап тұр. Ал қалғаны коронавирус инфекциясына байланысты шектеулерге орай тоқтаған.
М.ЖАЛҒАСҰЛЫ
