Қазақ жігіттері UFC файтері қазақстандық Шавкат Рахмоновқа автокөлік сыйлады. Желіде сол сәттің видеосы жарияланды.
⠀"Бұл қазақ жігіттерінің ниеті. Батырдың жаяу жүргені қазақ жігіттері үшін сын емес пе дедік. Сондықтан қазақ жігіттері атынан Шавкат бауырымызға тұлпар", – деді видеода актер Әділ Ахметов.
⠀Сондай-ақ видеодан әнші Сәкен Майғазиевті көруге болады. Қазақтың бір топ жігіті Рахмоновқа Toyota Camry 70 көлігін сыйлаған.
https://youtu.be/QNJoBfh5Nd0
⠀Еске салайық, қазан айында Шавкат Рахмонов UFC-де дебютін өткізіп, бразилиялық Алекс Оливейраны қылғындыру әдісімен жеңген болатын. Қазақстандық файтер ММА-де 13 жекпе-жек өткізіп, оның бәрін мерзімінен бұрын аяқтаған.
