Сот ісінен кейін Қарқаралы ауданының әкімі Қалел Мақсұтов қызметінен кетті. Қарағанды облысы әкімінің баспасөз қызметі оның жұмыстан босатылуын басқа жұмысқа ауысумен байланысты деп түсіндірді, – деп хабарлайды Tengrinews.kz.
7 желтоқсанда Эльдар Дүйсетаев ауданның жаңа әкімі болып тағайындалды. Оған дейін ол Қарағанды облысы әкімі аппараты басшысының орынбасары қызметін атқарған.
Бұрынғы аудан әкімі мен Қарқаралы қаласының тұрғыны арасындағы сот ісіне Facebook әлеуметтік желісіндегі жазбасы себеп болған. Автор жергілікті мешіт жанында Құнанбай қажы мен Абай ескерткіштерін орнату төңірегіндегі даулы жағдай туралы жазған. Жазба авторына Қалел Мақсұтовтың идеясы ұнамаған және ол жазбасында өз пікірін «сепаратист» және «надан әкім» сияқты тіркестерді қолданып жеткізген.Осы хабарлама жарияланғаннан кейін Қалел Мақсұтов өзін қорлады деп санап, авторды айыптады. Ол Қарқаралы аудандық №2 сотына жүгінді. Сот Қазақстан Республикасы Қылмыстық кодексінің 131-бабы «Қорлау» бойынша талапты қанағаттандырды. Сот барысында пост авторы айыптауды мойындамаған. Ол сотқа өзі қолданған барлық сөз тіркестерінің контекстен тыс қарап, түсінбестен айыптап отыр деп түсіндірді. Тұтастай алғанда, оның жазбасы қорлау үшін емес, Қалел Мақсұтовты ойландыру үшін жазылды, деп түсіндірді айыпталушы. Сонымен қатар сот психологиялық және филологиялық сараптама нәтижелерін ұсынды. Сараптама қорытындылары айыпталушының сөздерін растады және сот ақтау үкімін шығарды.
Еске салайық, Қалел Мақсұтов 2011 жылдан бері Қарқаралы ауданын басқарып келді.