Гүлжан РАХМАН

Авторлық мақалалар
Масылдық апармас алысқа...
Қазақ отбасылық өмірді есеп-қисапқа салмаған. Баласының санын айтпаған. «Біреуді көріп бүкір боп, біреуді көріп шүкір боп» жүретін жүрісінен де жаңыла қойған жоқ. Байлардың мұңы әу бастан аз. Ал кедейлерді кім көзге іліп жатыр? Осындай мұқтаж топтың мүддесін қорғайтын жаңа бағдарлама оларды шынымен жарылқады ма? Төрт баласы үшін 10 405 теңге, алты-жеті баласы үшін 16 160 теңге алып келген аналарға әр балаға 21 мың теңге берілетіні бір серпілткені рас. Жасыратыны жоқ, көпбалалы отбасылардың қоғамда беделі артып, жастар жағы оларға қызыға қарап, көптің көкейінде көбеюге деген сезім күшейіп, отбасылық құндылықтың маңызы артқандай болып еді...
Ал енді мұның арты неге «ай­қайға» ұласты? «Екі жеп, биге шы­ғамын» деген пиғыл қайдан пайда болды? Жәрдемақыны көтеру масылдық туғызып жүрмей ме? Жыр болған жиырма бір мыңның есеп-қисабы қалай жүреді? Шетелде көпбалалы отбасылар мәселесі қалай шешілген?
Бір бағдарламаның айнала­сында өрбіген көп сұрақтың жауа­бын іздеп көрдік.
Сөмке салмағының соңы – сколиоз
Бүгінгі бастауыш сыныптың балалары мектепке өздері бара алмайды. Өйткені иығындағы жүгі тым ауыр. Осыдан 8-9 жыл бұрын бұл мәселе жиі көтеріліп, министрліктің назарына ұсынылғанда: «Кітаптар бірнеше бөлімге бөлініп шығып, әр кітаптың саны 200-300 грамнан ғана болады» деген еді министрлік өкілдері. Кітап бөлінгенмен, салмақ азайған жоқ.
Әкенің айтқаны балғадай...
Бурабайда Республикалық әкелер форумы өтті. «Әке – отбасының тірегі» атты республикалық әкелер форумының шымылдығы төртінші рет түріліп отыр. Ақпарат және қоғамдық даму министрлігі, Қазақстан Республикасы Президентінің жанындағы Әйелдер істері және отбасы-демографиялық саясат жөніндегі Ұлттық комиссия, Ақмола облысының әкімдігі және «Әкелер одағы» қоғамдық бірлестігі мұрындық болған бұл шараның маңызы басым.
Сатылған диплом сан соқтырмасын
Соңғы кездері сапасыз білім, сатып алынған диплом, бағыт-бағдарсыз білім беріп отырған оқу орындарының мәселесі ушықты. Бұған Елбасының өзі Nur Otan партиясы Саяси кеңесінің кеңейтілген отырысында ерекше тоқталып, «Жастардың өзі де жемқорлыққа қарсы әрекеттерге белсенді түрде қатысуы тиіс. Сатып алынған білім, ақшаға алынған сынақ не болады?» деді.
Astana Media Week: жаңа мүмкіндіктер алаңы
Astana Media Week-тың шымылдығы түрілді. Отандық ме­диа индустрияны жан-жақты дамытуға бағытталған ша­ра­ны Орталық Азия кеңістігіндегі ең ауқымды жоба деуге болады. Жыл сайын өткізілетін кең көлемдегі салалық апталыққа биыл 2 мыңнан астам қонақ келді. Өңірлік деңгейдегі индустрияны ілгерілетуге арналған шараның шымылдығын Ақпарат және қо­ғамдық даму министрі Дәурен Абаев ашты.
Мәдениеттен мән кетпесін...
Мәдениет және өнер саласы қызметкерлері теңгенің құны құлағалы құлазып кетті. Себебі сол, жалақы аз. Иә, бұл мәселе биік-биік мінберлерде, билік өкілдерінің аузымен талай көтерілді. Мәжілісмендер мен сенаторлардың да салмақты пікіріне айнала білді. Қанша рет қоғамдық талқылауға түссе де, бұл санаттағы қызметкерлердің мардымсыз жалақысы жоғарылаған жоқ. Жұрттың айлығына алты ай сайын ақша қосылса да, олардың маңдай тері ештеңемен, еш теңгемен өлшене қоймады. Сонда да үмітін үзбестен, ел ру­ханияты үшін адал еңбегін артық көрмей жүрген жан­дар үшін жағымды жаңалық Президенттің биылғы Жолдауында жарияланды. Мемлекет басшысының мәдени сала қызметкерлеріне лайықты көңіл бөлінбей отырғанын айтып, ең алдымен, кітапхана, музей, театр қызметкерлерінің айлығын көтеру туралы шығарған шешімі дәл осы саланың мамандарын су бүріккендей серпілтіп тастады.
Ауыл мен қала мектептеріндегі алшақтықтың сыры неде?
Бүгінде Білім және ғы­лым ми­нис­­­трінің «құ­­лағына ал­­тын сырға та­ғып», баласының болашағына алаң­да­­ған айқайшы ата-ана көп. Алайда бұл ми­нистрліктің «ке­ле­сі жылы жақсы бо­ла­ды» деп бастаған әр жұ­мы­сы мәселені одан сайын күр­делендірмесе, жеңілдетіп отырған жоқ. Салынбаған мектеп, мектепке сыймаған бала, игерілмеген ақшаны айтпағанда, оқулықтың жайы оңбай, мұғалімдерді қағазбастылықтан құтқаратын дені дұрыс жүйе болмай тұр. Мемлекет басшысы Қасым-Жомарт Тоқаев Жолдауында қала мен ауыл мектептері арасындағы орта білімнің сапасы алшақтап бара жатқанын атап өтті. Оған себеп – ауылдық жерлерде білікті педагог кадрлардың тапшылығы екенін де жасырмады. Расында да, білікті педагог жетіспейтін қоғамда мұғалім мәртебесі туралы әңгіме қозғаудың өзі артық. Әбден қордаланған дүниенің түп-төркіні қайда жатыр? Жыл сайын жалақысын көтеріп, әрідегі мәсе­ле­ні әлеуметтік жағдайдың оңа­луы­мен шешеміз деген шешім­нің маңызы бар ма? Бұл сауалы­мыз­дың жауабын ұстаздар қауымының өзіне қалдыр­дық та, бұл мәселенің ушығуына әсер етіп отырған негізгі факторларға тоқталуға ты­рыс­тық. Оқып, пікір білдірем десеңіз, төр – сіздікі.
Еңбек еткеннің еңсесі биік
«Бір қозы туса, бір түп жусан артық өсер» деген ата-бабамыз ықылым заманнан мал шаруашы­лығын ерекше бағалаған. Төрт түлікті береке бастауы деп түсінетін қазақ мал өсіру арқылы толағай табыстарға жеткен. Малдың еті кисең – киім, жесең – тамақ ретінде қажетке жараған. Елбасы қашанда ел әлеуетін арттыру мақсатына арналған жоба­ларды, оның шінде мал шаруашылығын дамыту мәселесін өз назарынан тыс қалдырған емес. Бұл мәсе­лені іске асыруға байла­нысты жиі тапсырмалар да берілді. Кәсібін кеңейткісі келген кәсіпкерді қолдайтын бірнеше бағдарлама да бар. Бүгінде осы бағдарламалар арқылы кәсібін дөңгелетіп әкеткендер де жетерлік. Соның бірі – Ақмола облысы Целиноград ауданы Приреч­ный ауылының тұрғыны Гүлнәзия Бөкенбаева.
Бара бергенше – пара бер
Жасырып-жабары жоқ, бізде қазір жемқорлық деген жегіқұртпен бетпе-бет кезікпейтін сала жоқтың қасы. Қайта-қайта бара бергенше пара беріп, мәселесін оңай шешіп алуға бір иығы бұрып тұратын­дар­дың қарасы, тіпті, қалың. Әсіресе, білім саласын еркін бойлаған бұл «ауру» елді елеңдете бастады. Елбасы Nur Otan партиясы Саяси кеңесінің кеңейтілген отырысында осы мәселеге ерекше тоқталып, «Жастар­дың өзі де жемқорлыққа қарсы әрекеттерге белсенді түрде қатысуы тиіс. Сатып алынған білім, ақшаға алынған сынақ не болады?» деді.
Беттер: 1 2 3 4 Келесі