Гүлзина БЕКТАС

"Айқын" газетінің шығарушы редакторы

Авторлық мақалалар
Өмірлік миссияңды орындау – ең үлкен бақыт
«Математиканы бала кезден бойға сіңірген адам  қиындыққа төтеп бере алады әрі кез келген шындықты қабылдай алады» дейді Пьер Гассенди. Бұл сөздің  жаны бар. Математиканы бүге-шігесіне дейін игерген адамның өмір сүру философиясы алабөтен болатыны тағы рас. Мақсатқа жетудің түрлі жолы болады: бірақ соның бір ғана «жақсысын» таңдап алу мүмкін бе? Біздің кейіпкеріміз қай жолды таңдады? Бастан өткерген қиындықты қалай еңсерді? Математикалық дәлдікпен өмір сүру мүмкін бе? Бұл тұрғыда мемлекет қайраткері Жақсыбек Құлекеевтің өз айтары бар.
Соқпақбаевты ешкім алмастыра алмайды
«Бір елдің мәдениетін жою үшін алдымен оның кітапханасын құрту керек. Сонда халықтың мәдени өмірі өзінен-өзі сөніп қалады» депті академик Дмитрий Лихачев. «Құндылықтар жоғалған заманда кітап оқу мәдениеті де қалады» деген тәмсіл бар. Кім білсін?! Соңғы жылдары зерттеушілер бұл сөздің растығына көз жеткізіп келеді. Сонымен, кітап неге құндылық болудан қалды? Шын мәнінде, оқырман кітапханадан, кітап оқырманынан айырылып қалды ма? Сейсенбінің бүгінгі сауалы осындай!
Ондай болмақ қайда деп, айтпа ғылым сүйсеңіз…
Арыстандай айбатты, жолбарыстай қайратты, қырандай күшті қанатты, мен жастарға сенемін! Мағжан ақын осылай жырлап еді. Биыл – Жастар жылы. Жас ғалымдардың еңбегі еленіп, өнері бағаланып жатыр ма?
Жәнібек салған ән қандай?!
Жәнібек Кәрменовті «ән академигі» атанған Жүсіпбек Елебеков үлкен сахнаға алып шықты. Жәнібек те Жүсекеңдей аяулы жанды әкесінен кем көрген жоқ. Түрлі ән мектебін зерттеп, зерделеп, ұлттық өнер көкжиегін барынша кеңейтуге тырысты.
Қос кесене неге зерттелмей қалды?
Әлеуметтік желідегі парақшасында Шыңғыс Бауыржанұлы: «Елімізде зерттелмеген тарихи құнды кесенелер бар. Олар: Ұлытау етегіндегі Жошы хан мен Алаша хан кесенесі. Екеуі де бір архитектуралық нысанда салынған.  
Ақ тер, көк тер – актер
Сенат отырысында Нариман Төреғалиев бастаған бір топ сенатор экс-премьер-министр Бақытжан Сағынтаевтың атына депутаттық сауал жолдаған еді. Сенатор қауымды толғандырған дүние – жас артистердің жалақысы мен баспанасы.
«Алмас қылышпен» келген «алтын тақ»
Қазіргі қазақ кино-көшінің жолы бір арнаға түсіп келе жатыр. Оған түсіріліп жатқан кинокартиналар дәлел. 2017 жылы прокатқа «Алмаш қылыш» кинодастаны шыққан еді. Ел елең етіп, жылы қабылдады.
Бес саусағым қырқылып түскендей, бесігім қалды тербелмей…
Ол – Халық ақыны. «Халықтың Әселханына» айналғаны қашан?!. «Қасиетті мекен Түркістанын орталыққа айналдырсақ» деген үлкен арманы бар-ды. Тіпті бұл тілегін Елбасының оңтүстікке сапарында бір емес, екі рет арнауымен жеткізген-ді. Мемлекет басшысының Түркістанды облыс орталығына айналдырғанына жүрегі жарылардай қуанды. Балапанын қызғыштай қорыған құс секілді Әселхан апа да әрдайым көптің мұңын мұңдап, жоғын жоқтап жүргені. Одан қала берді, айтыс өнеріне алаңдап отырады. Базарға бара жатқан жастармен жарыспайын деп, айтыстан қол үзгенімен, қазақтың киелі өнерінің «шоу айтысқа» емес, «сау айтысқа» айналғанын қалайды. Қазақстанның Халық ақыны Әселхан Қалыбекованың елордаға келген сәтін пайдаланып, әңгімелесіп қалуға тырыстық.  
Әдебиет академиясы не береді?
Жастар жылының ресми ашылу салтанатында семейлік ақын Мерей Қарт Елбасыға Орталық Азия Әдебиет академиясын құру туралы ұсыныс тастады. Бұл идеяны Астанада өткен жас ақын-жазушылар кеңесінің алғашқы отырысында Қазақстан Жазушылар одағы басқарма төрағасының бірінші орынбасары Ақберен Елгезек көтерген еді. «Үкімет өз қадағалауына алып, бастама жүзеге асса, қазақ әдебиетінің дамуына жаңа серпіліс әкелері сөзсіз» дейді идея авторлары.