15 жасқа дейінгі баланы ұшаққа тегін отырғызу мүмкін бе?

Әлеуметтік желіде қазақстандық әуекомпаниялар 15 жасқа дейінгі балаларды тегін отырғызады деген ақапарат қаптап кетті. Мұның қаншалықты рас-өтірік екенін Қазақстан Республикасының Мәдениет және спорт министрі Арыстанбек Мұхамедиұлы Үкімет отырысынан кейін журналистермен жүздесуінде баяндап берді.

15 жасқа дейінгі баланы ұшаққа тегін отырғызу мүмкін бе?
Фото: AirAstana

– Біз қазіргі уақытта осы бағыттағы мемлекеттік бағдарламаны енгізіп жатырмыз. Содан кейін оның бекітілуін күтіп, туристік бағыттағы заңға енгіземіз. Бұл өте пайдалы жұмыс. Мәселен, егер бұл заң күшіне енсе, әуе сапарына шыққан бір адам өзі үшін билетке төлеп, 15 жасқа дейінгі екі баласын тегін апара алар еді, – дейді Арыстанбек Мұхамедиұлы.

Сонымен қатар, ол өз сөзінде бұл өзгерістер тек ел ішіндегі рейстерге қатысты екенін атап өтті.

– Біздің отандастарымыз шетелге демалуға ұшып кетпеуі үшін осы жұмысты қолға алып жатырмыз. Сонда ғана ақшамыз ел ішінде қалар еді. Шартты түрде айтқанда біз 1 теңге жұмсап, 6,5 теңгені үнемдеп қалар едік, – деді министр.

Еске сала кетсек, Арыстанбек Мұхамедиұлы бүгінгі Үкімет отырысында «1+2» схемасымен (бір ата-ана үшін екі бала) «KIDS GO FREE» қағидаты бойынша балаларға арналған тегін авиамаршруттарды субсидиялау жоспарланып отырғанын хабарлаған еді.