Нұр-Сұлтанда зауыт ашылды

Елордада коммуналдық техника шығаратын зауыт ашылады. Бұл туралы елорда әкімі Алтай Көлгінов Instagram парақшасында жазды.

Нұр-Сұлтанда зауыт ашылды
©https://baq.kz/

– Минскте қалалық атқарушы комитетінің төрағасы Анатолий Сивакпен кездесу барысында Нұр-Сұлтанда коммуналдық және арнайы техникаларды бірлесіп шығару өндірісі туралы талқыладық. Елорданың климаттық жағдайын ескеретін болсақ, құрылыс саласында техникаға сұраныс бар, – деді Алтай Көлгінов. 

Сөйтіп, әкім хабарлағандай, астананың коммуналдық қызметінің паркі жаңартылады. 

Осы жазда «Астана Тазалық» техникаларының дайындығын қадағалау барысында техникалардың 30 пайызының ескіргенін байқадық. Сондықтан қосымша арнайы техникаларды сатып алуға шешім қабылдадық. Барлық процедура аяқталуға жақын. Енді қараша мен желтоқсанда қаланың коммуналдық қызметі 60-тан аса техника бірлігімен толығады. Алғашқы кезеңде 120-дан аса арнайы техника алу жоспарланып отыр. Одан кейін де коммуналдық қызмет паркін жаңарту жоспарда бар. Бұл, әлбетте, еңбек етуге қолайлы жағдай туғызып, қаланы таза ұстауға мүмкіндік береді, – деп жазған парақшасында басшы.