Республика көлемінде жер-жерде бастауыш партия ұйымдарының жиналысы өтіп жатыр. Жиналыс барысында 2019-2020 жылдарға арналған БПҰ төрағаларының есептері тыңдалып, бастауыш партия ұйымының төрағасы мен орынбасары, партияның аудандық және қалалық конференцияларына қатысу үшін делегаттар сайланып, сайлауалды бағдарламаның орындалуы бойынша Жол картасы талқыланды.
Ақмола облысында 37 мыңнан астам партия мүшесінің басын біріктірген 276 бастауыш партия ұйымы бар. 19-23 сәуір аралығында аталған барлық БПҰ-ында жиналыс өтеді. Алғашқылардың бірі ретінде Целиноград аудандық партия филиалына қарасты «Родина» бастауыш партия ұйымының жиналысы өтті. Бұл ұйымда төрт партиялық топқа біріктірілген 133 партия мүшесі бар. Іс-шара барлық карантин шараларды сақтай отырып, аралас форматта өтті. Оған 80-нен астам партия мүшесі қатысты. Бастауыш партия ұйымы мемлекеттік органдармен, кәсіпкерлік субъектілерімен бірлесіп, ауылдық жерлерді дамытуға және оларды жаңғыртуға бағытталған партиялық жобаларды іске асыруды мақсатты түрде жалғастырып отыр. «Ауыл – ел бесігі» партиялық жобасы елді мекендерді дамытуға, жаңа жұмыс орындарын құруға және ауылдық жерлерде өмір сүру сапасын жақсартуға бағытталған. Бүгінде Родина ауылының мектебінде «Дипломмен – ауылға» бағдарламасы бойынша жас мұғалімдер жұмыс істейді. Сондай-ақ соңғы 2 жылда 15 жас маман ауылдық округке ауыл шаруашылығы мамандығы бойынша еңбек етуге келді. Сонымен қатар «Родина» ЖШС агрофирмасы аудандағы барлық әлеуметтік және тұрмыстық мәселелерді шешуге, атап айтқанда сумен жабдықтау жүйесін, жылу желілерін күтіп ұстау, жолдарды тазарту немесе жөндеу, жарықтандыру, балаларды әкелу, мектепте ыстық тамақ ұйымдастыру, зейнеткерлерге, мүгедектерге көмек көрсету, спорттық және мәдени іс-шараларды өткізу, әлеуметтік объектілерді күтіп ұстау және материалдық жабдықтаумен көмектесіп отыр. 2020 жылы Агрофирма аудан тұрғындарына емделуге, бала тууына, үйлену тойларына, жерлеу рәсімдеріне 6,5 млн теңге көлемінде материалдық көмек көрсеткен. Садовое кентіндегі мәдениет үйінде өз қаражаты есебінен 6 910 500 теңгеге шатырды күрделі жөндеуден өткізді. Сондай-ақ ғимарат ішінде 3 455 000 теңге көлемінде жөндеу жұмыстары жүргізілген. Сонымен қатар ауыл ішінде көгалдандыру бойынша үлкен жұмыс жүргізілуде. Бұл игілікті істер одан әрі жалғаса бермек. Жиналыстың шешімімен бастауыш ұйымның жұмысы қанағаттанарлық деп танылды. Жиналыс барысында Целиноград аудандық филиалының кезектен тыс ХХХV конференциясына делегаттар сайланып, «Родина» БПҰ төрағасы болып ауылдық округ әкімі Талғат Мұқышев және оның орынбасары ретінде Сергей Ибряев сайланды.Әбілмансұр ЖАСАН