"Айқын" газеті №119

"Айқын" газеті №119

Бұл нөмірден оқитындарыңыз: 

Кәсіби маманға кім жетеді?
Бұрынғы сауда көнерді, жасаймыз қалай төлемді?
Интернет дейтін "базар" бар...
Аңшылықтан мән, балық аулаудан сән кетті

Материалы номера
Аңшылықтан мән, балық аулаудан сән кетті
Қазір бұрынғыдай аң аулау мәдениеті жоқ. Браконьерге бәрібір. Оңды-солды қыра береді. Аш қасқырдай алдына келгенін жаппай жайратады. Және де оны мұқтажына жаратса жақсы ғой, киіктің мүйізін шауып алып, өлексесін далаға тастап кетеді, ол ертең іріп-шіріп қоршаған ортаға залалын тигізетін ауру таратады. Ал балық аулаудан сән кетті. Браконьерлер суға ау салып, балықтарды қыру үстінде. Қармақпен аулаушылар азайып барады.
Мобильді орталық құрылды
Шымкент қаласында халықтың жұмыспен қамтылуына көмектесу мақсатында «Атамекен қолдау орталығы» жұмыспен қамтудың мобильді орталығы іске қосылды.
Балуан балабақша ашты
Қазақ күресінен әлем чемпионы, үш дүркін «Қазақстан барысы» турнирінің жеңімпазы Бейбіт Ыстыбаев өз қаржысына облыс орталығынан 200 орынды бөбекжай бақшасын ашып, үлкен іске бастамашы болды. «Қазақстан барысы» салып берген «Барыс» бөбекжай бақшасының екі қабатты еңселі ғимараты әсемдігімен алыстан көз тартады.    
Жамандықты жасқайтын, жақсылықты нұсқайтын
Сабыржан ағаны алғаш көруім, сірә, 1990 жылдың күзінде болар. Ол кісі «Социалистік Қазақстан» газеті бас редакторының орынбасарлығына бекіп отырды деген хабарды естіп, өзінің ежелден бергі ежеттес досы Бекболат Әдетовпен бірге құттықтап шығуға кабинетіне кіргенбіз. Бұрын сырттай там-тұмдап шамалы естуім болмаса, таныс-білістігім жоқ. Бекеңе ілесіп жүруімнің себебі, жақында ғана республика басшылығының ұйғарымымен ауыл шаруашылығы саласы бойынша дербес «Дала дидары» (кейіннен «Ауыл») газеті ашылып, оның бас редакторы болып бесаспап журналист қаламгер Б.Әдетов, орынбасары болып мен тағайындалған едік. Кең кабинетте Сәкеңе құтты болсынымызды айттық. Тұрпаты келіскен зор денесі, әзіл-қалжыңға бейім ақжарқын келбеті, әдептен аспас ұстамдылығы адамға бірден-ақ ұнамды әсер қалдырғандай-ды. Бекең екеуі боса-болмасын дос, біздің арамызда да сол күннен бастап бір сыйластық орнағандай-ды. Әзіл-қалжыңына бұрынғы да қазіргі, әсіресе, «Социалистік Қазақстанда» меншікті тілші болып істеген кездегі әріптес дос, құрдастарының, жалпы, жақсы көретін адамдарының аттары әпенде мінездерімен, айтып қалған сөздерімен қоса ию-қию араласып жүретін-ді.
Ақсуатта балалар театры бар
Шығыс Қазақстан облысы Тарбағатай ауданының Ақсуат ауылында балалар театры жұмыс істей бастады. «Тамшы» балалар театры жас актер, режиссер Бейбіт Құсанбаевтың бастамасымен ашылды.
Қорымға зерттеу жүргізеді
Ақтөбеде көне қорым-зираттардағы эпиграфикалық (жазу) және эпитафиялық (таңбалар) мәтіндерді зерттеп, ғылыми айналымға енгізу мақсатында экспедициялық топ жұмысын бастады. Осы жұмыстарды атқару үшін  Білім және ғылым министрлігі Ғылым комитетінің Рамазан Сүлейменов атындағы Шығыстану институтының ғалымдары арнайы келді.
Ұлт қауіпсіздігінің негізі – су қауіпсіздігін сақтау
Адамзат та, табиғат та сусыз өмір сүре алмайтыны шындық. Қазіргі кезде әлем­де халықтың саны өскен сайын, ғаламдық климаттың жылынуы тұщы су мәселесінің өзектілігін арттырып отыр. БҰҰ тұжы­рымы бойынша, әлемде 2 миллиардтан астам халық ауызсу тапшылығынан зардап шегіп отыр.
Өмір өрнегі
Мектеп – қашанда ақыл-ойдың, парасат пен пайымның ордасы. Адамның адами болмыс-бітімінің қалыптасуына мектептің қосар үлесі орасан. Осы өмірге өрнек салып, бояуын құбылтып, білім тамшысын себелейтін білім ордасына қарыздар емес адам жоқ шығар, сірә.
Жаркенттіктер тұншығып отыр
Елдің шетінде орналас­қан Панфилов ауданының аумағында үлкен құрылыс жүргізіліп жатыр. «Қорғас – Шығыс қақпасы» арнайы экономикалық аймағының арқасында шекаралы аймақтың да­муы да қарқынды. Соны­мен бірге осы аудан­да тұратын диқандардың басты табыс көзі саналатын жүгері шаруашылығы да бір кездегі биігін қайта бағындыра бастады.
Шағынаудандарды шарлап қайтты
Шымкент қаласының әкімі Ерлан Айтаханов мегаполистегі алғашқы жұмыс сапарын қала шетінде орналасқан шағынаудандардың тұр­ғын­дарымен кездесу­ден бастады. Қаратау ауданының Исфиджаб тұрғын алабына келіп, ауызсу және электр қуатымен қамту мәселесін тұрғындармен бірге талқылаған әкім ауызсу мәселесін жүйелі түрде шешу бойынша тиісті сала жетекшілеріне нақты тапсырмалар берді.
Грантты бөлесің, рахатын көресің...
Күні кеше ғана мем­лекеттік оқу гранттарының иегерлері анықталды. Биыл былтырға қарағанда жастарға мол мүмкіндік берілгенімен, тізімнен өз аты-жөнін таппаған талапкерлер де бар. Бұған себеп – түлектердің грант аз бөлінетін мамандықтарды көбірек таңдап, бәсекенің жоғары болғандығы.
Нақты шешім қабылданды
Алимент өндіру – қоғамдағы өзекті мәселелердің бірі. Бүгінде алимент төлеуден жалтарып жүрген жауапсыз әкелердің қатары жыл санап артып барады. Өкінішке қарай, Шымкент қаласында бұл әлеуметтік мәселенің көрсеткіші тым жоғары болып тұр. Nur Otan партиясының өкілдері бұл түйткілді мәселеге алаңдаулы.
Балалар құқы – басты назарда
Қазіргі технологияның дамыған дәуірінде адамзат бала тәрбиесінде көптеген кемшілік жіберіп жатыр. Балалар құқы заң нормаларының қорғауымен шектелмей, сонымен қатар баланы тиісті дәрежеде тәрбиелеу институтын құру қажет. Осы мақсатта Қостанай өңіріне Нұр-Сұлтан қаласынан Nur Otan партиясы жанынан құрылған балалар құқын қорғау жөніндегі көшпелі сараптамалық жұмыс тобы келді.
Тұрғындарды тыңдады
Еліміздегі жетекші партияның қалалық және аудандық филиалдарында халықтың мұң-мұқтажына ерекше көңіл бөлініп, азаматтардың қажеттіліктері, тұрғындар сұранысы қамтамасыз етіліп жүр. Бұл орайда аймақтардағы қоғамдық қабылдаулардың рөлі ерекше. Осы мақсатта Nur Otan партиясының Ақтөбе облыстық және қалалық филиалы «Ясный» тұрғын үй алабында орналасқан Ф.Оңғарсынова атындағы №41 мектеп-гимназиясында көшпелі қоғамдық қабылдау өткізді.
Арыс абаттанып келеді
Арыс қаласын қалпына келтіру бойынша жүріп жатқан жұмыстарға барлық өңір, ұлттық компаниялар, еліміздің ірі бизнес өкілдері белсене қатысып жатқаны белгілі. Жұмыла кіріскен іргелі істің арқасында Арыс қаласының келбеті жаңара түсуде. Қаладағы қызу жүріп жатқан құрылыс жұмыстарының жағдайымен танысу мақсатында Арысты жаңалауға келген қызылордалық құрылыс компаниясы – «Абу-Сер» ЖШС бас инженері Құдайберген Ыдырысұлы Иманахметовті әңгімеге тарттық.
Түркістан – түрік баласының түп қазығы
Түркістан тарихына қатысты қолымызға түскен кез келген анықтамалықты ашып қарасақ «Түркістан – V-VІ ғасырларда іргетасы қаланған қала» деген ақпаратты оқимыз. Расында, солай ма? Қадыми Түркістан тарихын Орталық Азияда ортағасырларда пайда болған Түрік қағанаттарының тарихына байлап қойған кім? Бұл советтік-орыстық тарихнаманың бізге көп жылдар бойы үйретіп келген шаблоны емес пе? Ортағасырлар да, мемлекет те, феодализм де Түрік қағанаттарынан басталады деген ұғым біздің миымызға әбден орынғып қалған. Ал оған дейінгі Ұлы дала тарихын, сол тарихтың барын дәлелдейтін мың сан деректі қайда қоямыз? Бүгінгі күні көне замандардан бері Орталық Азия өркениетінің алтын бесігі болған қасиетті Түркістан қаласы құрылыс алаңына ұқсайды. Қала заманауи қайта жаңғырып жатқанда оның ежелгі тарихына тағы бір барлау жасап қойсақ, артық болмас.
Интернет дейтін «базар» бар…
Қара базарға шықпай-ақ, қап көтермей-ақ ақша айналдыруға, сауданың шырайын кіргізуге болады. Ол үшін интернет пен әлеуметтік желіні еркін меңгерсеңіз болғаны. Заманауи үрдістерге бейімделген біраз жас қазір осыны кәсіп қылып жүр. Айтпағымыз интернет сауда жайында.
Бұрынғы сауда көнерді, жасаймыз қалай төлемді?
Бүгіндері базарлар мен дүкендерде, көше бойындағы көкөніс дүңгіршектерінде смартфонмен онлайн төлем жасау әдетке айналды.
Кәсіби маманға кім жетеді?
Қазір заман да, адам да нөпір өзгерістер астында қалды. Кеше аса қажет болған мамандыққа бүгін сұраныс жоқ болып жатса, таңғалмайсыз. Жұмысты жапырып істейтін жұмысшы, қалағы қолынан түспейтін құрылысшы мамандықта­рына  сұраныс көп сияқты көрінетін. Бұл күнде ІТ маман, мерчендайзер, блогер, бета-тестер,  SMM  мамандықтарына сұраныс артып отыр.