"Айқын" газеті №122

"Айқын" газеті №122

Бұл нөмірден оқитындарыңыз:

Қазақтың етін арабтар жейді
Өз тұрмысыңа ризасың ба?
Валюта айырбастауға талап күшейеді
Орман шаруашылығы қашан оңалады?
Абай мен Миссионер Сергий
Алжир маржаны

Материалы номера
Ойыншықтың 60 пайызы бала денсаулығыны қауіпті
Қазір дүкендердегі ойыншықтың көптігінен көз сүрінеді. Таңдауғ¬а келгенде ата-аналардың біраз бас қатыратыны рас. Ойыншық таңдауда баланың жас ерекшелігі мен ойыншықтың сапасына аса мән бергеніңіз абзал. Өйткені биыл сарапшылар 1556 ойыншық үлгісін зерттеп, оның 60 пайызы, я¬ни 916-дан астам ойыншықтың бала денсаулығ¬ына қауіпті екенін анықтады. Тексеру барысында ойыншықтардың құрамында бала денсаулы¬ғына қауіпті түрлі зиянды заттардың бар екені белгілі болды.
Алжир маржаны
Рияд Марез «Лестер» ертегісін «жазғандардың» бірі. Футбол-күнделігінде  жақсы деген баға бар. Былтыр «Манчестер Ситиге» ауысты. Гвардиоладан бестік алам деп келген. Алғашқы маусым  клуб үшін сәтті болғанымен,  жекелей тұрғыда қанағаттанарлық. Биылғы маусымда Бернарду Силва алған бағадан үмітті.
Қос ойында қос жеңіс
Шайбалы хоккейден Қазақстан Президенті кубогының екінші күні жергілікті «Барыс» командасы ресейлік «Нефтехимиктен» басым түсті. Елордада Nur Otan партиясы мен Қазақстан хоккей федерациясының қолдауымен өтіп жатқан турнирде «Барыс» командасы әзірге ұпайдан шашау шығармай келеді. Қос ойында қос жеңіс.
Абай мен миссионер Сергий
XIX ғасырда Ресей империясы өзіне қарайтын жерлерде тұратын басқа халықтарды орыс ұлтына интеграциялау, ассимиляциялау, христиан мәдениетіне жақындату үшін оларды Православие шіркеуі арқылы шоқындыру процесімен орыстандыру саясатын жүргізіп отырды және сол мақсатта жүйелі түрде жұмыс істегені тарихта мәлім.
Өндірістік жарақат өмірге қауіпті
Әлемде жыл сайын 300 мил­лион­ға жуық жазатайым оқиға тір­келіп, 150 миллион кәсіптік ау­ру мен зиянды еңбек жағ­дай­лары салдарынан 2 мил­лионнан астам адам дүние салады.
Тауарды көкте тасимыз
«Әулиеата» әуежайы енді жүк тасымалдайтын әуе кемелерін қабылдай бастайды. Бейсенбі күні аумаққа осы істің алғашқы қарлығашы – Моңғолия мем­лекетінің Monholian Airlines ірі әуе компания­сы­ның жүк ұшағы келіп қонды.
Балаларға қуаныш сыйлады
Түркістанда республикалық «Мектепке жол» акциясы басталды. Nur Otan партиясы облыстық филиалы аз қамтылған отбасылардың балаларын мектепке даярлау мақсатында оқушыларға мектепке қажетті құрал-жабдықтарды табыстады. Партия ұжымы акция кезегін қалалық, аудандық филиалдарға тапсырды.
Нұротандықтар рейдке шықты
Мүмкіндігі шектеулі жандарға кедергісіз келешек қалып­тас­тыру – күн тәртібінен түспейтін мәселе. Осыған орай Қостанай облысында қамкөңіл жандарға қамқорлық таныту бағытындағы шаруаларды ширата түсу көзделген. Бұл ретте Nur Otan партиясының белсенділігін айрықша айта кету керек. Облыс бойынша партиялық­тардың бастамасымен әлеуметтік әлсіз топтарға жататын жандар үшін біршама іс-шаралар ұйымдастырылды.
Кәріз жүйесі тексерілді
Nur Otan партиясының «Құтты мекен» жобасы аясында Сарысу аудандық партия филиалының белсенділері Жаңатас қаласының кәріз жүйесін қайта жаңғырту жұмыстарының барысына зерделеу жүргізді.
Оқулық алып берді
Жыл сайын республикалық «Мектепке жол» акциясы еліміздің барлық аймағында өткізіледі. Дәстүрлі түрде өтетін шарада қайырымды жандар оқушыларды жаңа оқу жылына даярлауға атсалысып, бүлдіршіндерге қуаныш сыйлауға асығады.
Партия барда далада қалмаймыз
Электр монтаждаушы болып жұмыс істейтін ұлы биіктен құлап, жоғары кернеулі тоққа түсіп қалғалы Қарлығаш Бекмұратова түнде ұйқыдан, күндіз күлкіден айырылды. Оқиға болған 2016 жылдан бері ұлы біраз ем алғанымен, төсектен тұра алмаған. Дәрігерлер алғашында жұлынына зақым келгендіктен ұлының аяққа тұруға мүмкіндігі жоғын айтып ауруханадан шығарып салыпты. Аяққа тұрмақ түгілі отыруға да шамасы болмай, төсекке таңылған ұлын емдеу үшін кейуана талай есікті тоздырып, көмек сұраған.
Көпбалалы отбасыларға грант бөлінді
Биыл көпбалалы және әлеуметтік көмек алатын отбасыдан шыққан балаларға Ұлттық қордан бөлінген қаражатқа 5 мың грант тағайындалып отыр. Соның ішінде Түркістан облысына 1345 грант бөлінген. Бұл туралы өңірдегі білім саласының басшылары бас қосқан Түркістан облысы өңірлік коммуникациялар қызметінде өткен брифингте белгілі болды.
Конгресмендер марқайып қайтты
Қазақстандық депу­таттар АҚШ Конгресінің саяси фракцияларымен тікелей байланыс орнатуға ниетті. Бұл жайында Мәжіліс төрағасы Нұрлан Нығматулиннің америка­лық конгресмендермен кездесуінде айтылды.
Орман шаруашылығы қашан оңалады?
Ғылым мен технология қарыштап дамыған сайын ауаға түрлі зиянды қалдықтар бөлетін зауыттар мен өндіріс орындары көбейіп жатыр. Өкінішке қарай, елімізде сол зиянды дүниелерді сіңіретін, жасыл желекке оранған орман алқабы аз. Бұл, ең алдымен қоғамға, соның ішінде адам денсаулығына әсер етпей қоймайды. Мамандардың айтуынша, 1 гектар орман жылына 10 тоннадай көмірқышқыл газын сіңіреді. Жер көлемі жағынан 64-орында тұрған Финляндия жерінің 80 пайызын орман алып жатыр. Ал жер көлемі жөнінен 9-орында тұрған бізде бұл көрсеткіш – 4,6 пайыз-ақ. Салыстырып көріңіз. Алысқа бар­май-ақ көрші елдерді мысалға келтіргенде, біздің елдегі орман шаруашылығы қашан оңалады деген сауал туындайды.
Өз тұрмысыңа ризасың ба?
Қазақстандықтардың 60 пайызы өз өмір деңгейіне қанағаттанады. Бұл жайында Ұлттық экономика министрлігінің Статистика комитеті жариялаған «2019 жылдағы Қазақстандағы халықтың тұрмыс сапасы» атты зерттеуінде айтылған. Әрине, әлеуметтік желілерде ағындаған арыз-шағымдар, кейбір қоғам өкілдерінің наразылық білдіру үшін көшеге шығып кетуі, тіпті атаулы әлеуметтік көмекке мұқтаждардың көбеюі бұл көрсеткіштің шынайылығына шүбә келтіруге негіз болатындай.
Валюта айырбастауға қатысты талап күшейеді
Елімізде валюта айырбастау орындарының жұмысына өзгерістер енгізілмек. Егер Ұлттық банктің ұсынысы қолдау тапса, алдағы уақытта шетелдік валютаны тек жұмыс уақытында ғана сатып алатын боламыз.
Қазақтың етін арабтар жейді
Қазір әлемде мыңғыртып қой өсіріп отырған ел – Моңғолия. Бұл елде 60 миллион қой бар. Одан кейін – Түркия, олар 43 миллион бас қой өсіріп отыр. Бір заманда Қазақстандағы қой санын 50 миллионға жеткіземіз деп желпінгенбіз. Жыл басында бізде 18 миллион қой болса, бірінші жартыжылдықта 25,6 миллионға көбейген екен. Берекенің көзі ұсақ малда екенін сезген қазақ малшыларының болашақта бұл саладан алар несібесі де аз болмаса керек.