Айқын газеті №124

Айқын газеті №124

Бұл нөмірден оқитындарыңыз: 

Апатты мектептер азаймай тұр 
Құрылыс сәулетті, делдал дәулетті
Көлсай аңызы
Кері тартқан қай өңір?
Мектепке бала сыймайды, оқулық тағы қинайды

Материалы номера
Театр тарландарының тартуы
20-23 тамыз аралығында Мәдениет және спорт министрлігінің ұйымдастыруымен  Қазақстан ұлттық театрларының V республикалық фестивалі өтеді.
Jastar keryeni жолға шықты
Нұр-Сұлтан қаласында 1700-ден астам белсенді жастар Jastar keryeni жобасының ашылуына байланысты өткен слетте бас қосты. Бұл слетке Қазақстанның барлық аймағынан 16-29 жас аралығындағы белсенді, білімді және дарынды жастар қатысты. Жастар қызыға да құлшына тындап, еліте билейтін қазақ эстрадасында өз орны бар Raim&Artur, Мирас Жүгінісов, заманауи рэп-әнші – Rick0407, ди-джей – DJ Angel кеш көрігін қыздырды. Сонымен қоса, кеште театралды және музыкалық қойылымдар, неондық шоу орындалды.
Илья Ильин спартакиадада топ жарды
Қазақстандық ауыр атлет Илья Ильин Талдықорғанда өткен спартакиадаға қатысып, 102 келіге дейінгі салмақ дәрежесінде алтын медаль жеңіп алды.
Андрей Голубев ITF сериясы турнирінде чемпион атанды
Қазақстандық теннисші Андрей Голубев Италияда өткен ITF сериясы турнирінде топ жарды. Осылайша, спортшы осы маусымдағы төртінші трофейіне қол жеткізіп отыр.
Қазақстандық волейболшы – «Вьетнам телевидениесінің аруы»
Қазақстандық «Алтай-2» командасында өнер көрсететін волейболшы қыз Динара Сыздықова вьетнамдық VTV Cup телеарнасының дәстүрлі мегатурниріне қатысты. Командасы өз тобында соңғы орын алса да, Динара марапатсыз қалған жоқ. Ұйымдастырушылар оған турнирдің ең сұлу қатысушысы деген атақты табыстаған.
Жүкембаев бапкер ауыстырды
Бірінші жартылай орта салмақта жұдырықтасатын қазақстандық кәсіпқой боксшы Батыр Жүкембаев шаршы алаңға қайта оралу үшін дайындық жұмыстарын жүргізіп жатыр. Боксшы 26 қыркүйек күні рингке шықпақ.
Исламхан «Қайраттан» кетуі мүмкін
Футболдан Қазақстан құрамасы мен алматылық «Қайраттың» капитаны әрі шабуылшысы Бауыржан Исламхан еуропалық командаға ауысуы мүмкін. Футболшы қысқы трансферлік терезе кезінде болгариялық «Лудогорец» клубына ауысады деген ақпарат тарады.
Қазақ баласы футболдан Қытай құрамасына қабылданды
Қытайда туып-өскен қазақ баласы Елжан Шынарұлы футболдан 20 жасқа дейінгі Қытай құрамасына шақырту алған.
Арыстанды жыққан Әл-Қылыш балуан
Қажымұқанның замандасы, құмықтың айтулы балуаны Әл-Қылыш Хасаев туралы Қап тауын мекендейтін халықтар арасында аңызға бергісіз небір әңгімелер бар. Әл-Қылыш қаламгер Мәриям Ибрагимованың «Звенел булат» хикаятында басты кейіпкерлердің бірі ретінде суреттелсе, Ахмед Хан Әбубәкірдің  «Тайна рукописного Корана» кітабында атақты балуан туралы біраз дерек бар.
Мөлдір махаббат
Әкемнің Шынәлі деген немере ағасы соғыстан оралмады. «Қара қағаз» да, хабар-ошар да жоқ, шамамен Сталинград шайқасында қаза тапқан сияқты. Анасы жылай-жылай «соқыр кемпір» атанып өлгені менің есімде бар.
Мектепке бала сыймайды, оқулық тағы қинайды
Жақында Нұр-Сұлтан қаласы­ның әкімі Алтай Көл­гі­новтің жетек­шілігімен инвестиция мәселелері бойынша аймақтық үйлестіру кеңесі өткен болатын. Қала басшысы білім саласына құйылатын қаражаттың маңызы зор екенін атап өтті. Мәселен, елорда мектептерінде 20 мың орын жетпейді. Сондай-ақ үш ауысымда оқытуға мәжбүр болып отырған 8 мектеп бар. Білім саласындағы бұл мәселе тек бас қалада ғана емес, өзге облыстарда да шешілмей келеді. Жаңа оқу жылы болса, басталуға жақын қалды. Түйткілдің тағы қандай түрлері бар, оларды реттеу үшін қандай шаралар қолға алынып жатыр?
Ата-аналар алғыс айтты
Nur Otan партиясы Шымкент қалалық филиалы және фракция мүшелерінің ұйымдастыруымен «Оқушылар сарайында» көпбалалы аналарға көмек беру мақсатында «Мектепке жол – 2019» акциясы өтті. Шараға партия мүшелері, депутаттар, білім саласының қызметкерлері, «Жас Отан» Жастар қанатының Шымкент қалалық филиалы, үкіметтік емес ұйымдар мен БАҚ өкілдері қатысты.
Тұрғындар шағымына құлақ асты
Алматыдағы Ақсай ықшамауданында қоғамдық тәртіптегі мекемелердегі заңбұзушылықтарға орай тұрғындардың шағымдары тыңдалды. Шара Nur Otan партиясының қалалық филиалының ұйымдастыруымен жүзеге асты.
Павлодар – ең таза қала
Павлодар қаласы әкімінің бастамасымен Taza Qazaqstan республикалық акциясы аясында қала орталығында экологиялық шара өтті. Оған Nur Otan партиясы қалалық филиалының ұжымы, қаладағы мемлекеттік мекемелер мен кәсіпорындар қызметкерлері белсене қатысты.
Жастар күні тойланды
Жастар қай заманда, қай елде болсын асқақ арман мен үміт, биік ар мен өр намыстың символы саналады. Еліміздегі жас буын өкілдері мемлекетіміздің жаңа келбетін қалыптастырады. Олардың жаңа белестерге деген ұмтылысы жаңа идеялардың туындауына себепші болады. Ал жаңа идея қазақ елінің жаңаруына, «Мәңгілік ел» болуына жол сілтейді.
Бағдарлама арқылы баспаналы болды
Талдықорғанда «Бақытты отбасы» бағдарламасы аясында баспаналы болған алғашқы жанұяны партиялықтар құттықтады.
Еңбек қауіпсіздігі – ескеретін мәселе
Бүгінгі жаһандық цифрландыру дәуірінде еңбекті қорғау стандарт­тары күнделікті тәжірибедегі маңызын жойып, жаңашылдықтан қалып барады. Басқару орган­дары жарақаттану­ды мүлде болдырмау мақсатында стандарт­тарды уақыт ағымына сай жаңартып, жаңа шешімдер қабылдап жатыр.
Кері тартқан қай өңір?
Қазақстандағы басқа шауып, төске өрлеген қымбатшылық Үкімет белгілеген инфляциялық дәлізді бұзып шығуға шақ қалды. Бұдан бұрын инфляция 4-6% аралығында құрықталып ұсталатыны мәлімделген болатын. Алайда Үкімет отырысында биылғы жеті айдың қорытындысы бойынша оның жылдық мәні 5,4%-ға жеткені жария етілді.
Құрылыс сәулетті, делдал дәулетті. Ал жұмысшы ақшасын ала алмай неге қиналады?
Әр жылы тамыз айының алғашқы жексенбісінде құрылысшылар күні аталып өтеді. Бұл күн – олар үшін мереке. Бірақ осы әсерлі күнді мәнді қылып өткізгісі келгенімен, айлығын ала алмай қиналып жүргендердің бары қынжылтады. Бұл мәселе әлі күнге ушығып тұр. Бәрі уақытында шешіледі, жалақы беріледі дейтіндер, айтқан  уәдеде тұрмай, біреудің еңбегін қанап, дер кезінде еңбекақысын санап бермеу фактілері азаяр емес...
Көлсай аңызы
Еліміздің шартарабын шарласаң, басына бұлт киген асқаралы тау да, етегін гүл көмкерген шалқар көл де, ұшы-қиырына көз жетпейтін кең-байтақ дала да – мінсіз сұлулықтың қандай боларын дәлелдеп тұрғандай. Көздің аясындай мөп-мөлдір Көлсайға бет алған біз, бір топ журналист, тақтайдай тегіс жолда алдыңнан жарқ етіп шыға келіп, сол мезетте қолын бұлғап қала берген тауды да, тасты да, көкті де артқа қалдырып, «Көлсай қайдасың?» деп асығып келеміз. Асығып келеміз деген жай сөз, жолай бұралаңдап жатқан Шарын сұлуға сәлем беріп, желге маңдайымызды тосып бір кідірдік. Аспантаулардың шетіне іліккенде көкке шаншылған тау тізбегіне таңдай қағып, «тағы бір кідірсек қайтеді» деп мың толғандық. Сөйтсек те, Көлсайдың көлін көрмекке, суын ішпекке, көгіне аунамаққа, ел мен жердің таңдайын қаққызған сұлулыққа тамсанбаққа көк дөнен көңіл Көлсай жаққа қарай алып-ұшып барады. Тақтайдай тегіс жолмен зырғыған көлік сол бетімен Саты ауылына келіп тоқтағанда да, бір кідіріп бел суытып, қайта тауға тартқанда да, көңіліміз бен лүпіл қаққан жүрегіміз Көлсай жаққа бізден бұрын жетіп алған сыңайлы...
Беттер: 1 2 Келесі