Депутаттар – Түркістанда

Газет мақаласы "Айқын" газеті №110

Түркістанға Мәжіліс депутаты, Nur Otan партиясы фракциясының мүшесі Фахриддин Қаратаев іссапармен келді. Ол қалалық аурухананың қызметкерлерімен кездесіп, мекеменің емделушілерімен әңгімелесті.

Депутаттар – Түркістанда

Орталық жетекшісінің сөзінше, мекеме заманауи техникамен жабдықталған және емхананың тұрғындарға қызмет көрсету сапасы жоғары деңгейде. Депутат қыз­меткерлердің жұмысымен танысып, дә­рігерлерге және емделушілерге алғыс білдірді.

Әңгіме барысында денсаулық сақтау қызметкерлерінің жалақысы көтерілгені туралы айтылды.

– Бюджеттік ұйымдардың қызмет­керлері, соның ішінде медициналық мекемелерде жұмыс істейтін қызметкер­лердің жалақысы 30 пайызға артты. Бұл медицина қызметкерлері үшін жақсы жаңалық болды. Ақ халатты абзал жан­дардың әрқашан еңбегі еленіп, қызметі бағалана бергей, – деді Фахриддин Қаратаев.

Өз кезегінде аурухана өкілдері жала­қының жоғарылағаны туралы жаңалықты қуана қабылдады және бұл олардың кәсіби дамуы мен жалпы медицина дамуына зор ынталандыру болатынын жеткізді.

Содан кейін Ф.Әбдінабиұлы Түркістан облысы Ішкі істер департаментінің ғи­маратына барып, оған жаңа облыс орталы­ғында құқық пен тәртіпті қамтамасыз ету жөніндегі жобалар туралы айтты. Оның сөзінше, Түркістан алдағы уақытта қауіпсіз қалаға айналады екен. Бұл үшін тарихи астананың аумағында интеллектуалды бейне­бақылау камераларын орнату жұ­мысы жүргізіліп жатыр.