Тұрғындар тілегі тыңдалды

Газет мақаласы "Айқын" газеті №121

Nur Otan партиясы Жуалы аудандық филиалының қоғамдық қабылдау бөлмесінде партияның «Кедергісіз келешек» жобасы аясында мүмкіндігі шектеулі азаматтарды бірыңғай тақырыптық қабылдау өтті.

Тұрғындар тілегі тыңдалды

Қабылдауға партия аудандық фи­лиалы төрағасының бірінші орын­ба­сары А.Ахметова, аудандық жұмыспен қамту және әлеуметтік бағдарламалар бөлімінің басшысы К.Төреқұлов жә­не БАҚ өкілдері қатысты. Кездесу ке­­­­зінде ау­дан тұрғындары Мамлякат Ис­маи­лова мен Тұрсынкүл Күздібаева Б.Мо­мышұлы ауылы Б.Үсенов атын­дағы көшенің бас жағындағы үй­лерге ауызсу жетпей отырғанын ай­­тып, мә­селені аяқсыз қалдырмауды сұрады.

Тұрғындардың сауалына «Жуалы су» мекемесінің басшысы жауап бер­ді. Ол өз кезегінде көшеге 2018 жылы ауыз­­­судың тартылғанын айтты. Алай­­да жоғарыдағы арыз иелерінің тұр­ғын үйлері жаңадан салынғаннан кейін жал­пы жүйеге қосылмай қа­лыпты. Ен­ді бұл үйлерге ауызсу тарту жос­пар­ға ен­гізіліп, апта соңына дейін мәселе оң ше­шімін табатын болды.

Қазіргі кезде Жуалы ауданында ауыз­­су тұтынушылардың саны 4 235 адам­ға жеткен. Биыл тағы 1 000-нан аса адамды ауызсумен қамту жос­пар­ланып отыр. Бүгінде бұл жоспардың 57 пайызы орындалды. Сондай-ақ, ау­данда арнайы суды үнемдеу мақса­тын­да ауызсу қолданушыларға су есеп­тегіш құралдары орнатылып жа­тыр. Жалпы аудан бойынша 1 240 үйге есептегіш құрал қойылған.

Аудандық филиал жанындағы қо­ғам­­дық қабылдау бөлмесіндегілер тұр­ғындар орталыққа өздерін толған­дыр­ған мәселелері бойынша өті­ніш-талаптарымен келетінін, олардың кей талаптары бойынша түсіндіру жұмыс­тары да жүргізіліп отыратынын айта­ды. Алдағы уақытта ауылдық округ­тер­де де қабылдаулар өткізу жоспарда тұр дейді шараны ұйымдастырушылар.

 

Жамбыл облысы