Нұр-Сұлтанда өтетін сенбілікте 5 мыңға жуық ағаш отырғызылады

Экологиялық айлық аясында 12 қазанда елордада Бүкіләлемдік жасыл желек отырғызу күніне арналған республикалық ағаш отырғызу акциясы өтеді. Бұл туралы қала әкімдігінің ресми сайтында хабарланды.

Нұр-Сұлтанда өтетін сенбілікте 5 мыңға жуық ағаш отырғызылады
©сурет ашық интернет көздерінен

Жаппай ағаш отырғызу акциясына Парламент депутаттары, Президент әкімшілігінің, Экология, геология және табиғи ресурстар министрлігінің, Нұр-Сұлтан қаласы әкімдігінің, аудан әкімдіктері, Nur Otan партиясы мен басқармалардың қызметкерлері және экологиялық ұйымдардың өкілдері қатысады.

Акцияға 2600 адам үлес қосып, олардың көмегімен қалада 4 667 жасыл желек отырғызылады.

(йымдастырушыларының айтуынша, компенсациялық ағаш отырғызу шеңберінде 505 тал ағаш егіледі.

Атап айтқанда, Алматы ауданында – 427 түп ағаш, Байқоңыр ауданында – 1 170 түп, Есіл ауданында – 1 465 түп және Сарыарқа ауданында 100 түп ағаш отырғызылады.