Петропавл қаласы әкімдігінің қызметкерлері сотталды

Петропавл қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімінің қызметкерлері сыбайластарымен бірге сотталды. Бұл туралы Мемлекеттік қызмет істері және сыбайлас жемқорлыққа қарсы күрес агенттігінің баспасөз қызметі хабарлады.

Петропавл қаласы әкімдігінің қызметкерлері сотталды
Сыбайлас жемқорлыққа қарсы іс-қимыл ұлттық бюросының Солтүстік Қазақстан облысы бойынша департаменті Петропавл қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімінің құқықтық жұмыс және мемлекеттік сатып алу секторының меңгерушісі Б. Өмірсетоваға, мекеменің құқықтық жұмыс және мемлекеттік сатып алу секторының инспекторы Ж. Есетоваға, сондай-ақ Б. Өмірсетованың жолдасы және Ж. Есетованың бірге тұратын адамына қатысты сотқа дейінгі тергеуды аяқтады. Тергеу кезінде аталған тұлғалардың мәжбүрлеп иеліктен шығаруға жататын тұрғын үйлерді иеленгені анықталған. Олар тұрғын үйлерді таныс-туғандарына ресімдей отырып, жаңа үйлердегі 9 тұрғын үйді заңсыз алған. Бұдан мемлекетке 96 млн теңгені залал келді. 
17 мамырда Солтүстік Қазақстан облыстық сотының  аппеляциалық соты Б. Өмірсетова мен Ж. Есетованың мүлкін тәркілей отырып, 6 жыл бас бостандығынан айырды. Олардың сыбайлас қатысушылары – Б.Өмірсетованың жолдасы мен Ж.Есетованың бірге тұратын адамының мүлкін тәркілей отырып, 5 жыл бас бостандығынан айыру жазасын берді.