Бірлігіміз бекем

Газет мақаласы "Айқын" газеті №100

Қазақстанның Тұңғыш Президенті–Елбасы Нұрсұлтан Назарбаевтың төрағалығымен Қауіпсіздік кеңесінің отырысы өтті. Жиында Түркістан облысының Арыс қаласындағы қазіргі ахуал және еліміздің су қауіпсіздігін қамтамасыз ету мәселелері талқыланды.

Бірлігіміз  бекем

Қауіпсіздік кеңесінің Төрағасы Арыс қаласында қаза болғандардың туыстары мен жақындарына көңіл айт­ты, сондай-ақ жарылыс салдарын жоюға атсалысып жатқан барлық құзырлы орган қызметкерлерінің және волонтерлердің қажырлы ең­бегіне ерекше назар аудартты.  

– Барша қазақстандықтар бір­лігіміздің бекем екенін көрсетіп жат­қанын атап өткім келеді. Еліміз­дің әр түкпірінен азаматтар алаңдаушылық білдіруде, түрлі ұйымдар мен кә­сіп­орын­дардың жұмыскерлері зардап шек­кендерге көмек көрсету үшін бі­рі­гіп жатыр. Бір өңірдің басына түс­кен қиыншылық – бәрімізге ор­тақ мә­селе. Біз халқымыздың ынты­ма­ғы­ның арқасында барлық қиын­дық­ты еңсереміз. Барша қа­зақ­стан­дық­тар­ға ризашылығымды білдіремін, – деді Елбасы.

Нұрсұлтан Назарбаев өңірді тезірек қалыпты жағдайға оралту және тұрғындарға жан-жақты қолдау көр­сету үшін мемлекет тарапынан барлық шаралар қолданылып жатқа­нына тоқталды.

Су қауіпсіздігін қамтамасыз ету мәселесі бойынша еліміздегі су ре­сурстарының және су шаруашылығы нысандарының жай-күйі талқы­лан­ды. Сондай-ақ тұрғындар үшін таза ауызсудың қолжетімді болуына жә­не суды үнемдеп пайдалану мәсе­ле­леріне ерекше екпін түсірілді.    

Отырыс қорытындысы бойынша Арыс қаласында жөндеу жұмыс­тарын жүргізу және азаматтардың тұрғы­лық­ты жеріне оралуын ұйым­дастыру жөнінде нақты тапсырмалар берілді.


Ерік ЕРДЕНОВ