Бекзат Нұрдәулетовке Ақтаудан екі бөлмелі пәтер берілді

Маңғыстау облысының әкімі Серікбай Тұрымов бокстан әлем чемпионы Бекзат Нұрдәулетов пен оның жаттықтырушысын қабылдады.

Бекзат Нұрдәулетовке Ақтаудан екі бөлмелі пәтер берілді
Маңғыстау облысының баспасөз қызметі

Аймақ басшысы спортшыға мемлекет басшысы Қасым-Жомарт Тоқаевтың құттықтауын жеткізіп, сәттілік тілеп, Ақтаудан екі бөлмелі пәтердің кілтін табыстады.

Боксшының бірінші жаттықтырушысы Батырбек Жайлыбаевқа 3 миллион теңге көлемінде сертификат табысталды. Нұрдәулетовтің қазіргі жаттықтырушысы Марат Жақиев 5 миллион теңге көлемінде сертификатпен марапатталды.

Еске салсақ, Бекзат Нұрдәулетов Екатеринбургте өткен әлем чемпионатында Қазақстан қоржынына алтын салған жалғыз спортшы. Қазылар алқасының ортақ шешімімен ол өзбекстандық Дильшодбек Рузметовты жеңді.