Н.Назарбаев ҰҒА президентін қабылдады

Тұңғыш Президент Нұрсұлтан Назарбаев Қазақстан Ұлттық ғылым академиясының президенті Мұрат Жұрыновты қабылдады,– деп хабарлайды Elbasy.kz сайты.

Н.Назарбаев ҰҒА президентін қабылдады

Кездесу барысында Нұрсұлтан Назарбаевқа Ұлттық ғылым академиясының қазіргі қызметі және ғылым саласындағы халықаралық ынтымақтастықты дамыту бойынша жүргізіліп жатқан шаралар туралы ақпарат берілді.    

«Біз халықаралық одақтарға кіру бойынша жұмыс істеп жатырмыз. Келісімдер жасалып жатыр, соның негізінде біздің жас ғалымдар тәжірибеден өтуге мүмкіндік алады»,– деді Мұрат Жұрынов.                                                                                                                                                                                                                                                                                                         

Сонымен қатар, Нұрсұлтан Назарбаевқа «Белдеу және жол» халықаралық ғылыми ұйымдары альянсы аясындағы ҚР Ұлттық ғылым академиясының қызметі туралы ақпарат ұсынылды.               – Былтыр Бейжіңде әлемнің 47 жетекші елінің академиялары кіретін ғылыми ұйымдардың ең ірі альянсы құрылды. Біз де осы бірлестіктің бір бөлігіне айналдық. Осылайша, ғалымдарымыз түрлі бағыттарда ірі жобалармен жұмыс істеуге қосымша мүмкіндік алды,– деді М.Жұрынов.