Елді өркендетуге қызмет етеді

Газет мақаласы "Айқын" газеті №102

Қазақстанның Тұңғыш Президенті еліміздің көшбасшы партиясының елордадағы орталық аппаратына келіп, Nur Otan партиясы Төрағасының жаңадан тағайындалған Бірінші орынбасарын таныстырды.

Елді өркендетуге қызмет етеді

Нұрсұлтан Назарбаев партия­ның алдына қойылған міндеттерді жүзеге асыру үшін Бауыржан Бай­бектің тә­жі­рибесінің жеткілікті әрі оның со­ған қажетті біліктілікке ие екенін атап өтті. Оның үстіне Б.Байбек 2013 жыл­дың қаңтарынан 2015 жылдың 9 та­мызына дейінгі ара­лықта партияда дәл осы лауазым­да қызмет атқарған бола­тын.

– Бауыржан Байбек «Болашақ» бағ­дарламасының түлегі, диплома­тия­лық қызметте және Президент Әкім­шілігінде жұмыс істеді. Ол бұ­ған дейін партия Төрағасының Бі­рінші орын­басары қызметін атқар­ған. Бауыр­жан Байбектің Алматы қа­ла­­сы­ның әкімі лауазымындағы жұ­мы­сы­на оң баға беруге болады, – деді Қа­зақстанның Тұңғыш Президенті.

Елбасы Нұрсұлтан Назарбаев Бауыр­жан Байбектің партияны және бү­кіл мемлекетімізді дамыту бағдар­ла­маларын жүзеге асыруға өнімді үлес қосатынына сенім білдірді.

Nur Otan партиясының Төра­ғасы Нұрсұлтан Назарбаев Мәулен Әшімбаевқа атқарған жұмысы үшін алғыс айтып, ары қарайғы қызме­тіне табыс тіледі.

Сондай-ақ енді жетекші саяси ұйым­ды үлкен міндеттер күтіп тұр­ға­нына партиялықтардың назарын ау­дарды.

– Мәулен Әшімбаев партия бас­шылығында болған кезеңде екі съезд өткіздік, Президент сайлауы­на қа­тыс­тық. Осының барлығы пар­­тия­мыз үшін күрделі сынақ бол­ды. Ол табысты жұмыс істеді деп санай­мын. Nur Otan – еліміздің басты саяси күші. Алдымызда партияның қо­ғам­дағы беделін одан ары арттыру мін­деті тұр, – деді Елбасы.

Соңында Тұңғыш Президент Н.Назарбаев Nur Otan партия­сының қыз­меті бүкіл елімізді дамытуға ба­ғыт­талуы тиіс екенін атап өтті.