«Парламент сөзі» байқауы жарияланды

Газет мақаласы Айқын газеті №74

Мәжіліс бұқаралық ақпарат құралдары өкілдеріне арналған жыл сайынғы дәстүрлі байқауын жариялады. Парламент Мәжілісінің заң шығару қызметін үздік насихаттаған журналистерге арналған «Парламент сөзі» сыйлығына үміткерлер­ден өтінім қабылдау басталды.

«Парламент сөзі»  байқауы жарияланды

Бұл арнаулы парламенттік сыйлық 2016 жылы палата спи­кері Нұрлан Нығма­ту­лин­нің тө­рағалығымен өткен Мәжіліс бюросының шешімі бойынша тағайындалған болатын. Биыл осы­мен үшінші рет тапсы­рылады.

Атаулы сыйлыққа Мәжі­лістің заң шығарушылық қыз­меті жайында 2018 жылдың 3 қыр­күйегінен 2019 жылдың 15 мау­сы­мы аралығында жа­зылған және жарық көрген материалдар қабылданады.

Жеңімпаздар алты ата­лым − Мәжілістің қызметі туралы үздік телевизиялық, мерзімдік баспа­сөз, интернет және ра­дио­ма­те­риалдар, со­нымен бірге, фото және бей­нема­те­риалдар номи­на­ция­ла­ры бо­йынша анықта­лады. Бұ­ған қоса, Қазақстан­ның парла­мент­тік жур­на­лис­ти­касы­ның дамуына үлес қосқан май­тал­ман журналис­тердің еңбегі де жеке аталым бо­йын­ша еленіп, олар мара­патқа ие болмақ.

Өтінімдер 2019 жылдың 17 мау­сымына дейін қабыл­да­нады.

Жеңімпаздар «Байланыс және ақпарат қызметкерлерінің күні» мерекесі қарсаңында жарияланады.

Өтінімдер мен материал­дар­ды «Парламент сөзі» сый­лы­ғын тағайындау жөніндегі ко­миссияның жұмыс органы­­на – Мәжілістің баспасөз қызметіне, «000001, Нұр-Сұл­тан қаласы, Мәңгілік ел даң­ғылы, 4, Қазақстан Парламен­тінің Мәжілісі» мекенжайына немесе smimazh@parlam.kz электронды поштасына жолдау қажет.

Қосымша ақпаратты Мә­жілістің ресми сайтынан алуға болады.