Тату көршілік құрметпен көркем

Газет мақаласы Айқын газеті №88

Мәжіліс төрағасы Нұрлан Нығматулин Өзбекстанға ресми сапармен барды. Көршідегі кездесулерге парламентаралық диалогты дамыту тақырыбы арқау болды. Екі елдің парламентші­лері арасындағы қатынастарды нығайту Қазақстан мен Өзбекстан арасындағы өзара ынтымақтастықты барлық салада тиімді жүзеге асыруға ықпал етеді.

Тату көршілік құрметпен көркем

Н.Нығматулин Ташкент қала­сында Өзбекстан президенті Шавкат Мирзиёевпен кездесті. Мәжіліс төрағасы Елбасы Н.Назарбаевтың ізгі сәлемін және игі тілектерін жеткізді.

–Қазақстанның Тұңғыш Президенті Өзбекстанға әрдайым зор мән-маңыз береді және екіжақты қарым-қатынасқа, ағайын өзбек халқына әрқашан ерекше ықылас білдіреді, – деді Нұрлан Зайроллаұлы.

Мәжіліс делегациясы сапары­ның Өзбекстандағы Қазақстан жылын­да өтуінің символдық мәні бары­на назар аударылды. Бұл стра­тегиялық әріптестік пен тату көр­­ші­лік қарым-қатынастардың да­мып, нығайып келе жатқанын тағы бір рет дәлелдей түсті. Бүгін­де біз­дің ел Өзбекстанның сырт­қы сау­да серіктестерінің үшті­гіне кіреді.

Қазақстан мен Өзбекстан көш­басшылары арасындағы бар­лық стратегиялық уағда­лас­тық­қа заңнамалық қолдау көрсетуге Парламент өкілдері төл үлестерін қосып, екі ел арасындағы ықпал­дастықты тереңдетуге ықпал ететін болады.

Осы уағдаластықтар Мәжіліс төрағасының Өзбекстанның Олий Мажлисі заңӊ шығару пала­тасы­ның спикері Нурдинжон Исмои­лов­­пен және Олий Мажлисі Сенат төра­ға­сы Ниг­ма­тилла Юлдашев­пен келіс­­­сөз­дер жүргізу кезінде тілге тиек етілді. Тараптар парла­мент­­тердің тиісті салалық коми­тет­­тері, фракциялар және партия­лар арасындағы диалогты нығай­ту­ға, ынтымақ­тас­тық тобының әле­уетін белсенді пайдалануға ке­ліс­ті.

Сонымен қатар Нұрлан Зайрол­лаұлы өзбекстандық әріп­тесін биылғы 23-24 қыр­күйекте Нұр-Сұлтан қаласында, «Үлкен Еуразия: Диалог. Сенім. Серік­тес­тік» тақырыбында өтетін Еуразия елдері парламенттері төра­ғаларының IV кеңесіне қаты­суға шақырды. Оның айтуын­ша, форумға Өзбекстан парламент­ші­ле­рінің қатысуы екіжақты ынты­мақтастықтың жоғары деңгейін кезекті рет паш етпек.

Мәжіліс басшысы ресми сапа­ры барысына Шетелдік ел­дермен этносаралық және дос­тық қарым-қатынастар комитетінде бірқатар кездесу өткізіп, Өзбек­стан­дағы қазақ ұлттық орталы­ғының өкілдерімен жүздесті.

– Мемлекет басшысымен, депу­таттармен, тұрғындармен бол­сын – осы бауырлас елде өт­кен барлық кездесуде біз Өзбек­стан халқының Елбасы Н.Назарбаев­қа деген ерекше көзқа­ра­сын, зор құрметін аңғардық. Себебі, Нұрсұлтан Әбішұлының және Өзбекстан президенті Шавкат Мирзиёев­тің салиқалы саясаты­ның арқасында қазақ-өзбек ынтымақтастығы саяси, экономи­ка, мәдени-гуманитар­лық және өзге салаларда, барлық жағынан қарқынды өркендеп келе жатыр. Парламенттік байла­ныстар да мүлдем жаңа деңгейге шығуда. Осы ынтымақтастықты одан ары нығайту мақсатында өзбек­стандық әріптестерімізбен нақты келісімдерге қол жеткіздік, – деді ресми сапарын қорытынды­ла­ған Мәжіліс төрағасы Н.Нығматулин.