Келіссөзге жаңа алаң ұсынылды

Газет мақаласы Айқын газеті №89

Парламент Сенатының төрағасы Дариға Назарбаева Швеция Корольдігінің байқаушысы, елші, швед Үкіметінің Солтүстік Корея және Мьянма мәселелері жөніндегі арнаулы уәкілі Кент Харстедпен кездесті.

Келіссөзге жаңа алаң ұсынылды

Жоғарғы палата басшысы Қа­зақ­стан президентінің кезек­тен тыс сайлауына байқау­шы ретінде қа­тысқаны үшін еуропа­лық мәр­те­белі мейманға алғыс білдірді.

Д.Назарбаева еліміздегі сай­лау нау­қаны ашық әрі жария өтке­ніне және сайлауға мони­то­ринг жүргізу үшін барлық жағдай жасалғанына назар аудартты.

Кездесуде тараптар түрлі бағыт бойын­ша екіжақты ынты­мақ­тас­тық­ты нығайту жайына тоқталды. Өткен жылдың мамыр айында «Қа­затомөнеркәсіп» ұлттық ком­па­ниясы мен шведтік «Ват­тен­фолл» энергетикалық компаниясы арасындағы келі­сім­шарт бойынша қа­зақстандық уран осы елге жет­кі­зіл­ген бола­тын. Қазақстандық өнім үшін швед нарығы осылай есі­гін ашып отыр. Сенат бас­шы­сы­ның пікірін­ше, индустрия, IT, жа­сыл технологиялар және эко­ту­ризм өзара іс-қимылдың келешегі зор бағыттарына айналуы ық­ти­мал.

Кездесу барысында халықа­ра­лық күн тәртібіндегі жаһандық мә­селелер де талқыланды. Сенат бас­шысы Кент Харстедтің Шве­ция үкі­метінің Солтүстік Корея мен Мьянма мәселелері жөнін­де­гі ар­наулы өкілі ретіндегі бел­сен­ді қыз­метін атап өтті.

«КХДР-ды үнқатысуға тарту жө­ніндегі сіздің күш-жігеріңізге қол­дау білдіреміз. Бірлесіп жұмыс істейтін ықтимал алаң ретінде Нұр-Сұлтан қаласын, нақтырақ айт­сақ, Қазақстанның Тұңғыш Пре­зиденті қорын ұсы­на­мыз! Он­да бітімгершілік жөнін­­дегі қыз­мет­те мол тәжіри­бесі бар мамандар жұ­мыс істейді» деді Дариға Назарбаева.