Қосанов Қостанайға барды
«Ұлт тағдыры» қозғалысының үміткері Әміржан Қосанов Қостанай облыстық сайлауалды штабының белсенділерімен және қала тұрғындарымен кездесті. Басқосуда  кандидаттың сайлауалды платформасы  таныстырылып, талқыланды. Кандидат коғамдағы  өзекті  мәселелерге қатысты өз ұстанымын жеткізді.
Жастармен жүздесті
Коммунистерден ұсынылған кандидат Жамбыл Ахметбековтің Шымкент қалалық сайлауалды штабының жетекшісі Н.Қадырқұлов пен партия комитетінің белсенділері Индустриалды-техникалық колледжде  студент жастармен кездесті.
Ауылдық үміткер шығыста жүр
«Ауыл» партиясынан президенттікке үміткер Төлеутай Рақымбеков Шығыс Қазақстан облысын аралап жүр. Кандидаттың айтуынша, бұл са­пар­дың мақсаты – өңірдің ауылшаруашылық саласындағы мәселелерімен жақын танысып, тұрғындарының сауалдарына жауап беру.
Дания Еспаева – Қарағандыда
«Ақ жол» демократиялық партиясы атынан президенттікке үміткер Дания Еспаева Қарағандыға барды. Қарағандылық кәсіпкерлер кандидаттың сайлауалды бағдарламасымен танысып, ойымен бөлісті.
Еңбек адамын қолдайды
Қазақстан Кәсіподақтар федерациясынан Қазақстан президенттігіне үміткер А.Таспи­ховтің сенімді өкілдері Батыс Қазақстан облысының Сырым аудандық білім беру бөлімінде дөңгелек үстел өткізді.
Тоғызқұмалақтан турнир өткізді
Қазақстан президенттігіне үміткер Сәдібек Түгелдің Алматы қалалық сайлауалды  штабы тоғызқұмалақтан турнир ұйымдастырды. Турнир мақсаты – ұлттық құндылықтар қатарына жататын зияткерлік ойын түріне жас ұрпақтың ынтасын оятып, бұқаралық спорт түріне айналдыру. Турнирге   кандидат Сәдібек Түгел де қатысты.
Үгіт-насихат мұнайлы өңірде жалғасты
Қазақстан президенттігіне кандидат Қасым-Жомарт Тоқаевтың Республикалық қоғамдық штабының мүшелері үгіт-насихат жұмыстарын Атырау облысында жалғастырды. Алдымен штаб мүшелері өңірдегі бюджет саласы қызметкер­лері­мен және жергілікті белсенді азаматтармен кездесті.
Елбасы «бірге» акциясын жоғары бағалады
Еліміздің Тұңғыш Президенті Нұрсұлтан Назарбаев Nur Otan партиясынан ұсынылған кандидаттың Республикалық қоғамдық штабына барды.
Үміткер ұстанымын түсіндірді
Қазақстан Республикасы президентіне кандидат Әміржан Қосанов халықпен кездесулерін жалғастырып жатыр. Кеше ол елорданың проблемалы тұрғын үйлерінің үлескерлерімен кездесті. Тараптар қалыптасқан жағдайды талқылап, мүмкін шешімдерді ұсынды.
Дәрігерлермен дидарласты
ҚКХП-ның Қызылордада облыстық сайлауалды штабының жетекшісі Т.Телеубаев пен партиялық комитеттің белсенділері Қызылорда облысы денсаулық сақтау басқармасының «Облыстық медицина орталығында»  медицина қызметкерлерімен кездесу өткізді.  
Беттер: 1 2 3 4 5 ... 9 Келесі