Қазақстан қолдауын маңызды деп тапты

Газет мақаласы Айқын газеті №73

Еліміздің адам құқықтары жөніндегі уәкілі Асқар Шәкіров БҰҰ-ның терроризмге қарсы күрес жағдайында адам құқықтарын қорғау және ынталандыру мәселесі жөніндегі арнайы баяндамашысы Ф.Ни Аолаинмен кездесті. Аолаин ханым Қазақстанға ресми сапармен келді.

Қазақстан қолдауын маңызды деп тапты

Жүздесу барысында Қазақ­стандағы адам құқықтарын ­қам­тамасыз ету, құқық қорғау са­ла­сындағы мемлекеттің мін­дет­­те­мелерін жүзеге асыру, мем­лекеттік органдар мен азаматтық қоғам­ның осы бағыттағы өзара іс-қимылы мәселелері талқы­ланды.

Тараптар барлық көріністегі экстремизмнің таралуына септе­сетін фактор туралы және осы құбылыстың профилактикасы ретінде ретінде адам құқықтарын қамтамасыз ету керектігі жайында пікір алмасты.

Омбудсмен халықаралық са­рапшыны ұлттық құқық қорғау мекемесі қызметінің негізгі ба­ғыттары мен ерекшеліктері жө­нінде, сондай-ақ елде жүргізіліп жатқан жан-жақты жаңғырулар аясында, Қазақстандағы мемле­кеттік-құқықтық жүйедегі оның рөлі мен орны туралы хабардар етті.

Фионнуала Ни Аолаин Қа­зақстанның халықаралық анти­террористік тетіктерді жетілдіруді, оның ішінде халықаралық терро­ризмге қарсы күрес туралы жал­пыға ортақ Конвенцияны қа­былдауды қолдауының маңызын атап өтті.

Кездесу қорытындысы бо­йынша омбудсменнің БҰҰ-ның мамандандырылған құрылым­дарымен нақты құқық қорғау бағыттары бойынша өзара тиімді ынтымақтастығын жалғастыру қажеттігі туралы ортақ пікір айтылды.


Ерік ЕРДЕНҰЛЫ