Шахмат турнирі өтті

Газет мақаласы Айқын газеті №87

Президенттікке үміткер Жамбыл Ахметбековтің сенім білдірген тұлғалары қалалық Ардагерлер кеңесімен кездесті. Кездесу кезінде партияның жаңа мүшелеріне партиялық билеттер табысталып, шахмат турнирі ұйымдастырылды.

Шахмат турнирі өтті

Нұр-Сұлтан қаласы сайлауалды штабының жетекшісі Н.Оразханов пен партияның құр­метті ардагері Н.Батюта кездесуден кейін пар­тияның жаңа мүшелеріне салтанатты түрде пар­тиялық билеттер тапсырды. Н.Оразханов­тың пікірінше, партияның жаңа мүшелері үшін өмірдің ерекше кезеңі басталады. Оларға пар­тияның үндейтін идеялары мен құндылықтарын ілгерілендіруді жалғастыру міндеті жүктеледі.

Билет табыстау рәсімінен кейін шахмат турнирі өтті. Турнирде қалалық комитеттің жас белсенділері қала ардагерлерімен сайысты.

Нұр-Сұлтан қаласындағы сайлауалды штаб «ҚКХП саламатты өмір салтын қолдайды» флешмобын ұйымдастырды. Жастар сарайы­ның жанында Ж.Ахметбековтің өкілдері мен партия белсенділері жиналды. Н.Оразханов қатысушылар алдында сөз сөйлеп, Қазақстан болашағы алдындағы азаматтар мен мемле­кеттің ортақ жауапкершілігі туралы тілге тиек етті. Үміткердің жұмыс сапары мен сайлау­шы­лармен өңірлердегі кездесулері туралы айтты.

Оның айтуынша, қатардағы азаматтар партияның жұмысына, оның идеялары мен ұстанымдарына қызығушылық танытып жатыр. «Қазақстан Коммунистік Халық пар­тиясы қарапайым халық мүддесін қорғауға басымдық беретінін мәлімдеді. Халық ком­му­нистері интернационализмнің, еуразияшылдық идеяның және XXI ғасырдағы ұлттың ерекше жолының жақтаушысы», – деді ол.

Бұдан кейін партия нышандары бей­не­ленген киім киген жастар кеңес жылдарын­дағы әуенмен жаттығулар жасады.


Айдана БЕГІМ