КПО мен HONEYWELL өзара түсіністік туралы меморандумға қол қойды

Газет мақаласы Айқын" газеті №97

«Карачаганак Петролиум Оперейтинг Б. В.» (КПО) компаниясы мен Honeywell (NYSE: HON) корпорациясы Қарашығанақ жобасын­дағы жергілікті қамтуды дамытуға бағытталған өзара түсіністік туралы меморандумға қол қойды.

КПО мен HONEYWELL өзара түсіністік туралы меморандумға қол қойды

Қол қойған меморандум аясында Honeywell меншікті сауда белгісіндегі құрал-жаб­дықтар мен технологияны жер­гілікті жинау ісін жолға қоюға, сондай-ақ Honeywell мен қазақ­стандық серіктестік арасында қазақстандық компанияның технологиялық күрделірек жұ­мыстарға тартылуына мүмкіндік беретін консорциум құруға ниет білдірді.

КПО мен HONEYWELL компаниялары көп жылдан ынтымақтастықта жұмыс жа­сауда, мәселен, Honeywell сан­дық шешімдері эксплуа­тациялық бүтіндік пен мұнай және газ ұңғымалары мен кешенді да­йындық қондырғыларының технологиялық процесстерін қашықтан басқару мүмкіндігін қамсыздандыру арқылы Қара­шығанақ кен орнындағы өнді­рістік процесстерді қауіпсіз бас­қаруды қамтамасыз етіп келеді.

Меморандум Қазақстан аума­ғы бойынша өндірісті оқ­шаулау жөніндегі өзіндік құрал-жабдықтың шетелдік өндіру­шілерін КПО, сондай-ақ Қара­шығанақ кен орны маңында өдірістік кластер мен қазақ­стан­дық кадрларды кәсіби дамыту мақ­сатында шетелдік және қа­зақстандық компаниялар ара­сындағы бірлескен кәсіпорын­дарды құру талаптарын ескере отырып жасалды.

«КПО мен акционерлеріміз мемлекетіміздің индустриалды-инновациялық дамыту жөніндегі бастамаларын толығымен құп­тайды. Бүгін қол қойылған ке­лі­сім КПО еліміздің экспорт та­уарларды жасауға арналған қайта өңдеу секторындағы трансұлттық компанияларды тартуға және Қазақстанның әлемдік нарыққа шығуына қосқан үлесі. Мұның алдында, Жергілікті қамтуды дамыту жө­ніндегі бағдарлама аясында КПО компаниясы отан­дық қайта өң­деу секторына Tenaris, Halliburton, General Electric, Schneider Electric және басқа да жаһанды көшбасшы компа­нияларды тартқан болатын. Бұл КПО Қа­зақстан Республи­ка­сын­да жа­салған әлемдік озық үлгідегі өн­діріс технологияларын пай­далануға мүмкндік берді», – деп атап өтті КПО бас дирек­то­ры­ның орынбасары Марат Кәрімов.

Honeywell корпорациясы өн­дірістік технологияларды жасау­мен шұғылданады және Fortune журналы құрастырған 100 әлем­дік озық компания­лар­дың тізі­міне кіреді. Корпорация аэро­ға­рыш техникасы, арнайы мате­риал­дар, сонымен қатар өнді­ріс­тік кәсіпорындар мен ғимарат­тарға арналған басқару жүйелері секілді салаларға өнім ұсыну және қызмет көрсету ар­қылы бүкіл әлем бойынша тап­сырыс берушілерге қызмет көрсетеді.

Сонымен бірге, үстіміздегі жылдың наурызында КПО қолдауымен Honeywell компа­ниясы мен Қазақ-Британ техни­калық университеті (ҚБТУ) арасында Алматы қаласында жаңа аймақтық автоматтандыру орталығын құру туралы келісімге қол қойылған еді. Автомат­тан­дыру орталығы ҚБТУ «Авто­маттандыру және басқару» ма­мандығында оқып жатқан сту­денттердің дағдысын жақсартуға көмектеседі, сондай-ақ осы орталықта жергілікті кәсіпорын инженерлерін оқыту және білік­тілігін арттыру курстарынан өтетін болады.

Қол қою рәсімінде сөз сөйле­ген Honeywell Process Solutions бөлімінің президенті Джон Ру­дольф былай деді: «КПО ынты­мақтастық арқылы біз Қазақ­стан­­ның өңдеу өнеркәсібін Ин­дустрияның 4.0 су жаңа тех­но­ло­гияларымен қолдау көрсе­тудегі ниетімізді растаймыз және бұл кәсіпорындардың қауіп­сіз­дігін, сенімділігі мен табысын арт­ты­руға септігін тигізеді. Кә­сіпо­рын­ның бүкіл тіршілік ке­зеңінде қолданған сарапта­ма­ла­рымыз, технологиялар мен ана­ли­тика­мыз осыған мүмкіндік береді».

Honeywell арасындағы мемо­рандумға қол қою – КПО қазақ­стандық жоғары технологиялық өндірістік және сервистік әле­уетін дамытуға технологиялар енгізуге және инвестициялар тар­туға бағытталған келешегі мол және өзара пайдалы ынты­мақтастықты дамытуға жасаған тағы бір қадамы.

 

Арман ҚҰСАЙЫНОВ,
Нұр-Cұлтан