Вашингтонда 6 қаңтар күні Дональд Трамптың жақтастары Капитолийге баса-көктеп кірген еді. Қақтығыста 5 адам қайтыс болды. Содан бері Капитолийді күзету күшейтілді.
АҚШ-тың жаңа сайланған президенті Джо Байденнің инаугурациясы кезінде келеңсіздік болдырмау үшін
Капитолийді ұлттық гвардияның 6 мың сарбазы күзетеді.
New York Times-тың Вашингтондағы фотографы Эрин Шафф «Капитолийді күзетеді» деген сарбаздардың ұйықтап жатқан фотосын Twitter-дегі парақшасында жариялады.
«Бүгін таңертеңгі Капитолийдегі көрініс, әдетте спикер Пелоси (Нэнси Пелоси – АҚШ Конгресі Өкілдер палатасының спикері – ред.) осы жермен өз кабинетіне қарай өтеді», – деп жазды Эрин Шафф.