Бүгінде карантин шараларының күшейтілуіне байланысты азаматтармен қашықтан кездесулер белсенді түрде ұйымдастырылып келеді. Сондай кездесулердің бірі Ақмола облысында өтті.
Қоғамдық қабылдау бөлмесінде Ақмола облысы әкімінің орынбасары Ғалымжан Әбдіқалықов бейнебайланыс жүйесі арқылы тұрғындардың арыз-шағымын тыңдады. Өтініш білдіргендердің басым бөлігі мемлекеттен мал жайылымына арналған жер алу, жер учаскелерін жекешелендіру мәселелерін сөз етіп, аталған мәселелерге қатысты пікірлері мен ұсыныстарын ортаға салды. Қабылдауға қатысқан тұрғындар өзге де өзекті мәселелерге байланысты сауалдарына жауап алды. Барлық өтініш иелеріне заң нормалары шеңберінде түсініктеме беріліп, өтініштердің орындалуы партия бақылауына алынатыны айтылды.Әбілмансұр ЖАСАН