Жаңа шақырылымдағы депутаттардың азаматтарды алғашқы қабылдауы өтті. Павлодар облыстық мәслихатының депутаты Света Әбдраманова облыстық филиалдың қоғамдық қабылдау бөлмесінде жеке қабылдауын өткізді.
Бейнеконференция байланысы арқылы қабылдауға қалалық медициналық мекемелердің өкілдері қатысты. Сондай-ақ 5 өтініш беруші мәселесі талқыланды. Өтініш берушілердің сұрақтары денсаулық сақтау саласындағы мәселелерге, оның ішінде мүгедектікті куәландыруға, ерекше қажеттілігі бар адамдар үшін декубитке қарсы матрасты сатып алуға көмек көрсетуге қатысты болды. Азаматтарды қабылдау қорытындысы бойынша депутат барлық сұрақтарға дәлелді жауаптар мен ұсынымдар берді, одан әрі қарауды талап ететін сұрақтар Света Әбдраманованың жеке бақылауына алынды. Естеріңізге сала кетейік, «Nur Otan» партиясының Павлодар облыстық филиалының қоғамдық қабылдау бөлмесіне Кривенко көшесі 25А-мекенжайы бойынша жазылуға болады.Әбілмансұр ЖАСАН