Қай кезде болсын, партияның қоғамдық қабылдау бөлмелерінде өтініш білдірушілердің саны толастаған емес. Бұл – халықтың жетекші партияға үлкен сенім артатынының тағы бір дәлелі. Жақында осындай сеніммен «Nur Otan» партиясы Қызылорда облыстық филиалының қабылдауына келген қала тұрғыны Самал Байкенованың мәселесі оң шешімін тапты.
Ол Қызылорда облыстық көпбейінді медицина орталығының директоры, облыстық мәслихаттағы «Nur Otan» партиясы депутаттық фракциясының мүшесі Нұридин Әмитовтың қабылдауына келіп, өтінішін жеткізді. Әңгіме барысында өзінің жалғызбасты, жұмыссыз, пәтер жалдап тұратынын тілге тиек етті. Сондай-ақ 2 баласының мүмкіндігі шектелуі екенін айтып, бронхиалды астма диагнозымен ауыратын 7 жасар ұлының тыныс алуына қажетті неволайзер аппаратын алып беру туралы көмек сұрады. Нұридин Әмитов жалғызбасты ананың өтінішіне орай 7 жасар Құдіретке тыныс алу аппаратын алып беріп, оның тез сауығып кетуіне тілектестік білдірді. Жалпы, облыс бойынша жыл басынан партияның қоғамдық қабылдау бөлмелеріне азаматтардан 64 өтініш түсіп, олардың 34,3 пайызы оң шешімін тапты.Әбілмансұр ЖАСАН