Атырау облысында тәртіп сақшылары есірткімен ұсталды. Өңірлік полиция департаменті бұл ақпаратқа қатысты пікір білдірді. Полицейлерді ұстау сәті Yedilov Online Telegram-каналында жарияланған.
"Атырау облысы полиция департаменті әкімшілік полиция басқармасы техникалық қадағалау бөлімінің қызметкерлері есірткі заттарымен ұсталды", – делінген хабарламада.Сондай-ақ екі күдіктінің тегі аталған. Өңірлік ПД баспасөз қызметі полицейлердің ұсталуына қатысты пікір білдірді.
"Осы факт бойынша сотқа дейінгі тергеу жүргізіліп жатыр", – деп атап өтті ведомстводан.Атырау облысы ПД жеке қауіпсіздік басқармасы басшысы Ерген Төлемісов брифинг барысында полиция қызметкерлері ұсталғанын растады.
"14 ақпанда жеке қауіпсіздік басқармасы қызметкерлері жедел іздестіру шараларын жүргізіп, Атырау-Доссор автожолында Атырау облысы полиция департаментінің екі қызметкері тыйым салынған заттарды заңсыз алып жүргені үшін ұсталды", – деді полиция полковнигі.Тергеу жүргізілуде. Тергеу мүддесіне сәйкес басқа ақпарат жарияланбайды.