Алматыда автобус пен бірнеше жеңіл көлік соқтығысып, бес адам зардап шекті. Жол-көлік апаты Сейфуллин даңғылы мен Мақатаев көшесінің қиылысында «Mega Park» сауда ойын-сауық орталығының жанында болған.
Алматы қалалық қоғамдық Денсаулық сақтау басқармасының мәліметінше, аталған мекенжайда №12 қалалық автобусы «Volkswagen» және «Hyundai» көліктерімен соқтығысқан. Салдарынан 5 адам зардап шеккен. Үшеуі жедел жәрдем ауруханасына (БСНП), екеуі Орталық қалалық клиникалық ауруханаға жеткізілген. Барлығының жағдайы орташа ауырлықта.Полиция бөлімі жол-көлік оқиғасының себептерін анықтап жатыр.